«Երկիր Ծիրանի» կուսակցության նախընտրական քարոզարշավն այսօր անցկացվեց Նոր Նորք վարչական շրջանում՝ առանց քաղաքապետի թեկնածու Զարուհի Փոստանջյանի:
Կուսակցության ավագանու թեկնածու Հայկ Պետրոսյանից լրագրողները հետաքրքրվեցին՝ ինչու համագործակցեց «Ելք» դաշինքի հետ, բայց ընտրեց «Երկիր Ծիրանին»:
Նրա խոսքով, որովհետեւ ՀՀ կառավարման վեկտորների առումով նույն պատկերացումներն ունի, ինչ կուսակցությունում՝ առանց քաղաքական փոփոխությունների ոչինչ հնարավոր չէ. «Բոլոր խնդիրները, որոնց մասին խոսում եք, առաջացել են մեր արատավոր քաղաքական մշակույթից, պետք է մշակույթը փոխենք, դրանից հետո, երբ վերանա կոռուպցիան, կվերադառնա ժողովրդի վստահությունը կառավարության նկատմամբ, եւ մենք դրական առաջընթաց կունենանք բոլոր ոլորտներում. քաղաքապետարանում ու թաղապետարաններում կվերացվի կոռուպցիան, իսկ կոռուպցիան միայն կաշառակերությունը չէ, այլ ծանոթ-բարեկամը, տարբեր մեխանիզմները»:
Հարցին՝ ինչպես են լուծելու տրանսպորտի խնդիրը, նա պատասխանեց՝ կարգ է պետք սահմանել, պետք է ունենանք ավտոբուսներ, դա չլինի միայն քաղաքապետարանի կառավարության տակ, այլեւ մասնավորը պետք է կառավարի: Դիտարկմանը, թե մասնավորը հենց նույն գծատերն է, ասաց՝ մասնավորը մեկ սեփականատեր չունենա, այլ մի քանի:
Կարդացեք նաև
« ՀՀԿ-ն տասը տարի շարունակ չի կարողացել այս խնդիրները լուծել»,- հավելեց ավագանու թեկնածուն:
Հարցին՝ ինչ են անելու կարմիր գծերի ու տեսախցիկների մասով, նա ասաց՝ նպատակուղղված հարկերի կողմնակից են, խնդիրն այն է՝ ինչ նպատակի համար պետք է ուղղված լինի հարկերի հավաքագրումը, հետիոտների անվտանգության, ճանապարհային անվտանգության համար:
Արփինե ՍԻՄՈՆՅԱՆ