Միայն վեցամսեայ մարզումներ ստանալէ ետք՝ հայրենիքի սահմանները պաշտպանելու համար դիրքեր մեկնող զօրակոչիկները ամէն վայրկեան կը դիմագրաւեն թշնամիի գնդակին զոհ երթալու վտանգը: Իրենց անփորձութեան պատճառով, այս տղաքը, դժբախտաբար, աւելի մեծ հաւանականութիւն ունին թշնամի դիպուկահարներու հարուածը ստանալու:
Ամէն անգամ, երբ կը տեղեկանանք 18, 19 կամ 20 տարեկան տղաներու նահատակութան մասին, ցաւի ու վիշտի հետ որոշ բարոյալքում մը կ՛ապրինք: Մեր ընթերցողները յաճախ կը յայտնեն իրենց ընդվզումն ու սրտցաւութիւնը, եւ կարծէք բոլորս ալ անզօր կը զգանք մենք զմեզ՝ կացութիւնը բարելաւելու տեսակէտէն:
Երիտասարդ զինուորներու անփորձութիւնը կը փոխարինուի միա՛յն պայմանագրային, լաւ մարզուած, հասուն ու մարտերու բովէն անցած զինուորներու համեմատութեան բարձրացումով: Բանակի հրամանատարութիւնը, գիտակցելով այս իրողութեան՝ որոշած է առաջին գիծի վրայ ծառայողներու շարքերուն մէջ, յառաջիկայ եօթը տարիներուն, աւելցնել թիւը պայմանագրային զինուորներուն՝ աւելի քիչ թիւով երիտասարդներ դնելով կեանքի սպառնացող վտանգի ճանապարհին:
ԱԲՕ ՊՈՂԻԿԵԱՆ
Նյութի մանրամասները կարդացեք «Ասպարեզ»–ի կայքում
