«Բոլոր մեզ հարցնում են արդարադատության մասին: Կարծում եմ՝ համաշխարհային փորձը եւ մեր գիտելիքները ցույց են տալիս, որ լավագույն գործիքն անցումային արդարադատություն ապահովելն է»,-«Իմ քայլը» շարժման անդամ-քաղաքացիների այսօրվա հանրահավաքում Հանրապետության հրապարակում հայտարարեց «Մերժիր Սերժին» նախաձեռնության անդամ, քաղաքագետ Արմեն Գրիգորյանը:
«Կառավարման համակարգից նախկինում բոլոր տուժածները պետք է արդար փոխհատուցում ստանան: Դա կարող է ժամանակ խլել, բայց մենք համոզված ենք՝ դա անցումային արդարադատության ամենակարեւոր գործիքներից է»,-նշեց Արմեն Գրիգորյանը:
Նրա խոսքով՝ նշյալ գործիքը կօգնի վերականգնել վստահությունը կառավարման համակարգի հանդեպ:
Լուիզա ՍՈՒՔԻԱՍՅԱՆ
