Նիկոլ Փաշինյան- Վլադիմիր Պուտին շաբաթ օրը կայացած հանդիպման մասին ԱԺ ՀՅԴ խմբակցության ղեկավար Արմեն Ռուստամյանը տեղեկություն-տպավորություններ ունի պաշտոնական Երեւանից հնչած հայտարարություններով: Իսկ հանդիպումից հետո, ՀՀ վարչապետ Նիկոլ Փաշինյանը ֆեյսբուքյան գրառում էր կատարել, որ ՌԴ-ՀՀ հարաբերություներում ամեն ինչ լավ է, խնդիրներ չկան:
«Մեր հարաբերություններն այնքան կարեւոր են ու նշանակալի, որ մնացած բոլոր հարցերը երկրորդական պետք է համարվեն դրա համեմատությամբ: Եվ կարծում եմ՝ այդ տրամաբանությունը դոմինանտ է եղել հանդիպման ժամանակ»,- խորհրդարանում լրագրողների հետ զրույցում ասաց Արմեն Ռուստամյանը:
Նա չի կիսում տեսակետը, որ հայ-ռուսական հարաբերությունների լավ լինելը պետք է դրսեւորվի ՌԴ-ի կողմից Ադրբեջանին վաճառվող զենքի դադարեցմամբ: Ասում է`դա շատ կտրուկ է:
Ըստ նրա՝ առկա հարցերը քննարկվել են, բայց դիվանագիտական էթիկետը թույլ չի տա հրապարակել, ամեն դեպքում երկու երկրների համար ձեռք են բերվել կարևոր համաձայնություններ:
Aravot.am-ի դիտարկմանը`մտավախություններ կան, որ Սիրիա ուղարկվող զորամիավորման պատճառով Հայաստանը կարող է հայտնվել ամերիկյան պատժամիջոցների տակ, Արմեն Ռուստամյանը պատասխանեց, որ համագործակցությունը հումանիտար է, իսկ դրան ուղղակի դեմ որեւէ երկիր չի կարող լինել. «Հույս ունեմ, որ դա մեր հարաբերությունների վրա կազդի դրականորեն»:
Այլ մանրամասները`տեսանյութում
Նելլի ԳՐԻԳՈՐՅԱՆ
