Երեւանի գլխավոր ճարտարապետ Արթուր Մեսչյանը Երեւանի ավագանու նիստում, անդրադառնալով ավագանու անդամների ելույթներին, որոնք ուղղված էին անտուն մարդկանց բնակարանով ապահովելու խնդրին, ելույթի իրավունք խնդրեց եւ ասաց. «Կան այժմեական խնդիրներ, որոնք պետք է լուծել այսօր: Շինարարական տեխնոլոգիան, որով այսօր կառուցվում են շենքերը, դա 50-60-ական թվականների տեխնոլոգիա է: Այսինքն՝ այդ բոլոր մոնոլիտ կարկասները, արմատուրան եւ այն, ինչ որ մենք գիտենք, դրա ժամանակը վաղուց սկսել է անցնել: Միակ հնարավորությունը մեծածավալ շինարարական բնակելի շինարարություն սկսել Երեւանում՝ մի տարբերակ կա, եթե վերականգնվի ԴԷ-ԷՍ-ԿԱ հասկացողությունը, տնաշինական կոմբինատներ: Արագ հավաքողի, սենդվիչային տարբերակով: Արտադրվեն բնակելի կառույցների մոդուլներ եւ այդ մոդուլներով մեկ տարվա ընթացքում կարելի է բավականին մեծ թաղամաս կառուցել: Դրա արժեքն էլ է բավականին պակաս՝ համեմատած մոնոլիտ շինարարության հետ, որն այսօր կատարվում է Երեւանում, դա կլինի մեկ քառորդից նույնիսկ ավելի պակաս»:
Գլխավոր ճարտարապետը դիմելով ավագանու անդամներին՝ ասաց, որ Երեւան քաղաքի տեսիլքը, նաեւ ապագան ինչ-որ չափով կախված է ավագանու անդամներից. «Որովհետեւ քաղաքի սոցիալական պատվերը, ես, որպես ճարտարապետ, ի վերջո ստանալու եմ ձեզնից»:
Արթուր Մեսչյանի խոսքով՝հարց կծագի՝որտեղի՞ց են լինելու այն գումարները, որ այդ ԴԷ-ԷՍ-ԿԱ-ն սկսի արտադրվել. «Այ այստեղ պետք է բիզնեսի շահերը կապել այս ծրագրի հետ»:
Գլխավոր ճարտարապետն ասաց, որ այսօր թվարկված անտուն ընտանիքներին ինքը կավելացներ նաեւ հայրենադարձներին՝ նշելով, որ բնակարանային ֆոնդը քաղաքականություն է 100 տոկոսով. «Դա ոչ միայն սոցիալական խնդիր է, դա քաղաքական խնդիր է: Եվ քանի որ մենք ունենք պետական ծրագիր, պետական մտածողություն հայրենադարձության, ունենք խնդիր մեր բնակիչներին բնակելի ֆոնդով ապահովելու, միակ ճանապարհը նա է, մեր մտածողությունը շինարարության եւ ճարտարապետության, գոնե մոտեցնենք 20-րդ դարի վերջին, ոչ թե 21-րդ դարին: Կրկնում եմ, այն տեխնոլոգիան, որով այսօր կառույցներ են արվում, դրանք շատ թանկ են, երկարատեւ են»:
Լուսինե ԲՈՒԴԱՂՅԱՆ
Որպէս բանաստեղծ, երաժիշտ, երգահան եւ երգիչ, Արթուր Մեսչյան ը բարձրագոյն մակարդակի, հանճարեղ արուեստագէտ մըն է. Այն շատ քիչերէն, բոլոր ազգերու մէջ, որոնք առասպել կը դառնան իրենց կենդանութեան, եւ լիովին արժանի են այդ հանգամանքին:
Ես ինքս իր երկրպագուներից եմ: Կարող եմ իր երգերից թերեւս քսան հատը երգել, ծայրէ ծայր, բառ առ բառ (ահաւոր ձայնովս անշուշտ, բայս նորէն ալ…) :
Այս ամէնը հաստատելէ ետք՝ որպէս ճարտարապետ, ո՞րքան գործնական փորձառութիւն ունի Պարոն Մեսչյանը: Նաեւ, ի՞նչ վարչական ի՞նչ փորձառութիւն ունի, ի օգուտ իր այս պաշտօնին:
Եթէ միայն PR-ի համար զինք նշանակեցին, սխալ ու անարդար է, նախ եւ առաջ՝ իրեն համար: Նամանաւանդ որ շատ զգայուն մարդ մըն է:
Յարգելի լրագրողներ, քանի որ «պետական» գործիչները անհասկնալի եւ չհասկացող էակներ են, հաճիք գոնէ դուք ջանացէք խնայել այս մարդը, նկատի ունենալով վերոնշեալ իր վեհ ու բացառիկ արուեստագէտի վաստակը: