«Հայաստանում ստվերային տնտեսությունը 100 տոկոսով հաղթահարված չէ»,- խորհրդարանում լրագրողների հետ զրույցում ասաց ԲՀԿ-ական պատգամավոր Միքայել Մելքումյանը` հավելելով, որ մանրածախ ոլորտում ստվերային տնտեսությունը դեռ բավական մեծ տոկոս ունի: Լրագրողները ԱԺ նախկին փոխխոսնակից հետաքրքրվել էին Նիկոլ Փաշինյանի հայտարարած 50 հազար աշխատատեղերի մասին:
«Մենք չգիտենք, դա եկամտահարկ վճարողնե՞րն են, թե՞ ի հայտ են եկել, որովհետեւ գրանցված չեն եղել: Օրինակ, գյուղատնտեսության ոլորտում շատ աշխատողներ կան, որոնք գրանցված չեն` ջերմոցային տնտեսություններ, գյուղատնտեսության վերամշակող ճյուղեր, IT ոլորտում նույնպես, քանի որ հիմա «ստարտ-ափ»-երն առաջ են շարժվում, կարող է գրանցված չլինեն, հետո` գրանցվեն»,- ասաց նա:
Հարցին` եթե դրանք ստվերից են դուրս եկել տնտեսության վրա ազդեցություն կարո՞ղ են ունենալ, պատասխանեց, որ ոչ, քանի որ ստվերային տնտեսության ստեղծած արտադրանքն էլ է 11 միլիարդ դոլար ՀՆԱ-ի մեջ:
Այլ մանրամասները`տեսանյութում
Կարդացեք նաև
Մի քանի օր առաջ ԵՊՀ տնտեսագիտական ֆակուլտետում, Նիկոլ Փաշինյանը հայտարարեց. «Մենք տնտեսական հեղափոխություն չենք անելու, հնարավորության ենք ստեղծելու, եթե քաղաքացին ուզում է, թող անի»: Aravot.am -ը հետաքրքրվեց`դա հնարավոր համարո՞ւմ եք: Միքայել Մելքումյանը պատասխանեց`եթե հնարավոր համարեին, «կողմ» կքվեարկեին կառավարության ծրագրին:
Այլ մանրամասները`տեսանյութում
Նելլի ԳՐԻԳՈՐՅԱՆ
