2016-ի ապրիլին ծավալված ռազմական գործողությունների հանգամանքներն ուսումնասիրող քննիչ հանձնաժողովի առաջին նիստն արդեն ավարտվեց: Նիստից հետո լրագրողների հետ զրույցում Անդրանիկ Քոչարյանը հայտարարեց. «Հանձնաժողովի քննության առարկան է զինված ուժերի ապահովումը թիկունքային սպառազինության, մարտական պատրաստվածության, մարտական հերթապահության կատարման կանոնների կատարման, զորքերի համալրման, զորքերի ծառայության, հետախուզական գործունեության վիճակի ուսումնասիրություն: Հակառակորդի հարձակողական գործողությունների կանխմանն ու խափանմանն ուղղված հրամանատարական որոշումների օպերատիվության, համարժեքության գնահատում, դեպքերին տրված իրավական գնահատականի հիմնավորվածության եւ օրինականության գնահատում»:
Անդրանիկ Քոչարյանն ասաց, որ հանձնաժողովը իրավասու է պահանջել եւ ստանալ պաշտպանության ոլորտին առնչվող նորմատիվային եւ ոչ նորմատիվային ակտեր, հրամաններ, հրահանգներ, ծառայողական քննության նյութեր, տեղեկանքներ, կոլեգիայի եւ ռազմական խորհրդի հաշվետվություններ, փաստաթղթեր, զեկուցագրեր, այդ թվում՝ գաղտնիության ռեժիմում գտնվող:
Հանձնաժողովի նիստերին հրավիրելու են պաշտոնատար անձանց, բարձրագույն սպայական կազմի ներկայացուցիչներ:
Կարդացեք նաև
Հռիփսիմե ՋԵԲԵՋՅԱՆ
