Սույն թվականի սեպտեմբերի 13-ին խորհրդարանը երկրորդ ընթերցմամբ և ամբողջությամբ ընդունեց «Կոռուպցիայի կանխարգելման հանձնաժողովի մասին» օրենքում փոփոխություններ և լրացումներ կատարելու մասին» ՀՀ օրենքը: Հոկտեմբերի 4-ին, Հայաստանի ՔՀԿ-ների հակակոռուպցիոն կոալիցիան դիմում է ներկայացրել ՀՀ նախագահին՝ ՀՀ ԱԺ-ի կողմից ընդունված օրենքը չստորագրելու համար: ՔՀԿ-ների հակակոռուպցիոն կոալիցիան նախագահ Արմեն Սարգսյանին նաեւ առաջարկել էր դիմել ՀՀ Սահմանադրական դատարան՝ խորհրդարանի կողմից ընդունված «Կոռուպցիայի կանխարգելման հանձնաժողովի մասին» օրենքում փոփոխություններ և լրացումներ կատարելու մասին» ՀՀ օրենքի Սահմանադրության համապատասխանության հարցը որոշելու համար:
ՀՀ նախագահ Արմեն Սարգսյանը, սակայն, հոկտեմբերի 8-ին ստորագրել է սույն օրենքը:
Ըստ նախագծի, հանձնաժողովի անդամները նշանակվելու են խորհրդարանական խմբակցությունների, կառավարության եւ ԲԴԽ-ի կողմից:
Նախկին կարգի համաձայն, մրցութային խորհուրդն էր հանձնաժողովի կազմն ընտրելու: Խորհրդում ընդգրկված էին նաեւ մասնագիտացված կազմակերպություններ:
Կարդացեք նաև
Aravot.am-ի հետ զրույցում Իրավաբանների հայկական ասոցիացիայի նախագահ Կարեն Զադոյանն ասաց, որ հենց հանձնաժողովի ձեւավորման կարգը հակասում է ՀՀ իշխանության այն հայտարարություններին, թե կոռուպցիայի դեմ պայքարը մեր երկրում պետք է հիմնված լինի անկախության սկզբունքի վրա: Այն, ինչ առաջարկվում է օրենքով, ըստ մեր զրուցակցի, ոչ միայն քաղաքականացված է դարձնում հանձնաժողովը, այլ ավելի խոցելի է դարձնում հանձնաժողովի մասնագիտացված գործունեությունը, անաչառությունը եւ վստահությունը:
Մանրամասները`տեսանյութում
Նելլի ԳՐԻԳՈՐՅԱՆ
