Նաիրա Զոհրաբյան. «Ձմեռ Պապիկից խնդրել եւ խնդրելու եմ, որպեսզի մարդու իրավունքների հետ կապված մեր երկրում խնդիրները մի քիչ թեթեւանան, որ 2020 թվականին ես ստիպված չլինեմ իմ ամբողջ օրը, ինչպես 2019-ին, անցկացնել քրեակատարողական հիմնարկներում, մանկատներում, գիշերօթիկներում, բռնության ենթարկված կանանց ապաստարաններում, որ այդ ժամանակը ես անցկացնեմ իմ ընտանիքում, իմ սիրելի, իմ հարազատ մարդկանց հետ»:
Արսեն Բաբայան. «Ձմեռ Պապիկին խնդրել եմ, որ մեզ բերի բարություն, ինչի կարիքը, հատկապես հիմա շատ ունենք»:
Զարուհի Բաթոյան. «Իմ Ձմեռ Պապիկը միշտ ես եմ եղել: Ինձնից խնդրել եմ չկորցնել կապը սիրելի մարդկանց հետ, շարունակել սիրել կյանքը, մարդկանց, մեր երկիրը: Կյանքում Ձմեռ Պապից բան չեմ ուզել, այ քեզ բան, նոր պարզեցի ոնց-որ»:
Բաբկեն Թունյան. «Եթե կարող է, թող խաղաղություն, առողջություն, բարեկեցություն ու երջանկություն բերի բոլորիս ընտանիքներին ու երկրին: Եթե չի կարող, թող փողը տա, մենք մի բան կանենք»:
Դավիթ Անանյան. «Խնդրել եմ երազելու եւ դրանք իրականություն դարձնելու անսպառ էներգիա»:
