«Երբ մենք ցորենի սերմացուի ներկրումը հարկերից ազատեցինք, այդ ընթացքում ցանքատարածքները 20-30 %-ով ավելացան առանց պետության միջամտության: Այսինքն, այսօր պետությունը ոչ թե պետք է մտածի՝ սրան փող տամ, նրան չտամ, այլ պետությունը պետք է նախապայմաններ ստեղծի, որպեսզի մարդն այս հողի վրա աշխատի, չվախենա աշխատել: Այսօր գյուղացին վախենում է աշխատել: Մտածում է՝ ցանեմ, բա վա՞ղը ինչ պետք է անեմ, բերքը որտե՞ղ պետք է վաճառեմ: Ուրեմն, կցանեմ այնքան, ինչքան կարող եմ վաճառել,- այսօր «Հայելի» ակումբում ասաց «Ագրարագյուղացիական միավորում» ՀԿ նախագահ Հրաչ Բերբերյանը:- Ինչի՞ համար էինք ասում, որ նախարարությունը կարեւոր է: Նրա համար, որ միջպետական պայմանագրերը գործեն, արտահանման խթանման խոչընդոտները վերացվեն: Այսինքն, լիներ գյուղացու կողքին: Բայց չէ, այդպիսի նախարարություն մեր կառավարությանը պետք չէր եւ այն պետք է փակեին»,-:
Աշոտ ՀԱԿՈԲՅԱՆ
