Լրահոս
Օրվա լրահոսը

Արսեն Թորոսյան. «Մեծացնում ենք թեստավորման մեր հզորությունները, կկարողանանք օրական մոտ 1500 թեստ անել»

Ապրիլ 02,2020 16:00

Հայաստանում բոլորին կորոնավիրուսի հայտնաբերման համար թեստավորելը գործնականում անհնար է՝ առնվազն տեսանելի ապագայում, տեսականորեն՝ հնարավոր է: Այսօր այս մասին հայկական միասնական տեղեկատվական կենտրոնում ասաց առողջապահության նախարար Արսեն Թորոսյանը:

Թե ինչ կտա համատարած թեստավորումը, Թորոսյանը պարզաբանեց. «Այդ պահին վիրուսի բավական մեծ ծանրաբեռնվածություն ունեցող անձանց մոտ կտա դրական արդյունք, որից հետո կարող ենք որոշել՝ նրանց մեկուսացնենք, բուժենք կամ ոչինչ չանենք, որովհետեւ օրինակ, այլեւս հիվանդանոցներում տեղ չկա։ Մնացած բացասականների մասով երաշխիք չունենք, որ իրենց մոտ այդ վիրուսային ծանրաբեռնվածությունը չի արտահայտվի թեստավորումից 2 կամ 3 օր հետո։ Դա նշանակում է, որ բոլոր ազգաբնակչությանը պետք է պարբերաբար թեստավորենք, եւ ոչ թե մեկ անգամ: Այլ խնդիր է թեստավորման ծավալների ավելացումը՝ բժշկական ցուցումներով: Մենք մեծացնում ենք թեստավորման մեր հզորությունները: Շուտով կհասնենք օրական 400-ից 500 թեստի: Մի քիչ ավելի ուշ, նոր սարքավորումներ ձեռքբերումից հետո կկարողանանք օրական մոտ 1500 թեստ անել»:

Նելլի ԲԱԲԱՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2020
Երկ Երե Չոր Հնգ Ուրբ Շաբ Կիր
« Մար   Մայիս »
 12345
6789101112
13141516171819
20212223242526
27282930