2020 թ.-ի սեպտեմբերի 1-ին Տավուշի մարզի Նավուր գյուղում վերսկսվել են ռեժիսոր Հայկ Օրդյանի «Զուլալի» ֆիլմի՝ համավարակի պատճառով հետաձգված նկարահանումները:
Ֆիլմը նկարահանվում է գրող Նարինե Աբգարյանի «Զուլալի» պատմվածքի հիման վրա: Նկարահանումները տեղի են ունենում Բերդ տարածաշրջանում: Պատահական չէ, որ ռեժիսորը ընտրել է հենց այդ տարածաշրջանը: Այդտեղ է ծնվել և մեծացել Նարինե Աբգարյանը, և ֆիլմում մեծ դեր ունի շամշադինյան միջավայրը:
Հայկ Օրդյանը նույնպես Տավուշից է: Նրան հարազատ է այն մթնոլորտը, որը նկարագրվում է պատմվածքում: «Նրանք իմն են, իմ հերոսներն են: Ուղղակի Նարինեն վերցրել և իր տեղերն է դրել»,- ասել է Օրդյանը:
Ծանոթացեք՝ Արաքսյա Մակարյանն է սահմանապահ Չինարի գյուղից։
Արաքսյան մարմնավորում է փոքրիկ Զուլալիի կերպարը
Սահմանապահ Չինարի գյուղից Արաքսյա Մակարյանը մարմնավորում է փոքրիկ Զուլալիի կերպարը:
Կարդացեք նաև
Հայաստանի ազգային կինոկենտրոնի և Հանրային հեռուստաընկերության համաֆինանսավորմամբ նկարահանվող «Զուլալի» ֆիլմի քասթինգին մասնակցած 62 երեխաներից Նազարոսի դերի համար ընտրվել էր Արտյոմ Մելիքյանը։
Նա ծնվել է նույն թաղամասում, որտեղ մեծացել է «Զուլալի» պատմվածքի հեղինակ Նարինե Աբգարյանը:
Տարածաշրջանի բնակիչներից ոմանք նույնպես նկարահանվել են ֆիլմում՝ խաղալով որոշ էպիզոդիկ դերեր:
Լուսինե ԳՈՒԼՅԱՆ
Լուսանկարները՝ «Զուլալի» կինոնկարի ֆեյսբուքյան էջից
