Ամերիկյան CBS հեռուստաընկերության արտադրական մասի շենքի դիմաց 3 գիշերն է՝ հայերը բողոքի ցույց են անում: Պատճառն այն է, որ հեռուստաընկերության աշխատակիցն ասել է՝ ուզում եմ որ բոլոր հայերը մեռնեն եւ ձեր հայրենիքը վերանա աշխարհի երեսից:
Մասնակիցները հորդորում են միանալ խաղաղ բողոքի ցույցին:
«Լոս Անջելեսի եւ մոտակա քաղաքների հայությանը կոչ ենք անում գալ այստեղ: Պահանջում ենք, որպեսզի առանց Թուրքիայի եւ Ադրբեջանի սուտը ծածկելու՝ ներկայացնեն Արցախի վիճակը: Այս ընթացքում ոչ մի պատասխան չենք ստացել: Նրանց աշխատակիցները շատ սխալ արտահայտություններ են արել մեր կանանց եւ առհասարակ մեր մասին»,-Horizon Armenian TV-ի ուղիղ եթերում ասաց ցույցի մասնակից Նշան Բլիկյանը:
Նկատառմանն ի պատասխան, որ CBS հեռուստաընկերությունից պնդել են, թե վիրավորողն իրենց աշխատակիցը չի եղել, Բլիկյանը նշեց. «CBS-ի ներկայացուցիչներից որեւէ պարզաբանում տրված չի: Մոտ յոթ աշխատող ունեն: Ցանկանում ենք ցույց տալ, որ պետք է հարգեն հայի ձայնը: Անընդունելի է նրանց դիրքորոշումը հայի եւ Հայաստանի հանդեպ»:
Կարդացեք նաև
https://www.facebook.com/HorizonArmenianTV/videos/432401937742657/
Լուիզա ՍՈՒՔԻԱՍՅԱՆ
