«Հրապարակման հեղինակի խոսքով՝ այն բանի հաստատումը, որ «Մոտոր Սիչը» կարող է վաճառվել թուրքերին, Ուկրաինայում անօդաչուների արտադրության համատեղ ձեռնարկություն ստեղծման վերաբերյալ Անկարայի ու Կիեւի միջեւ կայացած բանակցությունների փաստն է: Փոխվարչապետ Ուրուսկին բացատրել է, որ Թուրքիայի ու Ուկրաինայի համատեղ ձեռնարկությունն իրավաբանորեն արդեն ստեղծված է, մնացել են միայն տեխնիկական դետալները:
«Թուրքական կողմը արտահայտել է իր տեսակետը. նա պատրաստ է ներդրում կատարել Ուկրաինայի տարածքում արտադրական հզորությունների շինարարության մեջ եւ համապատասխանաբար խնդրում է որոշակի նախընտրություններ Ուկրաինայի կողմից, իսկ ավելի կոնկրետ՝ հողամասի հատկացում ու հարկային արտոնություններ»,- ասել է նա:
Գուբրիենկոն չի բացառում, որ «Մոտոր Սիչը» կարող է լինել Կիեւի ու Անկարայի համատեղ ձեռնարկության բազան: Սակայն այդ դեպքում հարց կառաջանա, թե որքանով է անհրաժեշտ համագործակցությունը Թուրքիայի հետ պլանների իրականացման հարցում՝ կապված զապորոժյան ձեռնարկության հետ: Հավանականություն կա, որ Ուկրաինան, համագործակցելով Անկարայի հետ, չեզոքացնում է «Մոտոր Սիչի» ներուժի իրացման հնարավորությունները՝ այլ ուղղություններով այլ գործընկերների հետ»:
Իշխան ՔԻՇՄԻՐՅԱՆ
Կարդացեք նաև
Հոդվածն ամբողջությամբ՝ «Հայաստանի Հանրապետություն» օրաթերթի այսօրվա համարում:
