Վարչապետ Նիկոլ Փաշինյանն այսօր ստեղծված իրավիճակում առաջիկա անելիքների ճանապարհային քարտեզ հրապարակեց իր ֆեյսբուքյան էջում:
Գրառման ներքո առկա հազարավոր մեկնաբանություններում գերակշռում են ոչ թե այդ կետերի վերաբերյալ քննարկումները, այլ վարչապետին սատարող կամ հրաժարականը պահանջող կոչերը:
Կարդացեք նաև
Քիչ են նաեւ խնդրանքները՝ հայ գերիներին անվնաս վերադարձնելու ուղղությամբ աշխատելու:
«Օծանելիքդ գտնվե՞ց»,-հարցրել է օգտատերերից մեկը: «Կարո՞ղ է այս ամիս պարգեւավճար էլ տաս, որոշել ես մինչեւ վերջ երկիրը քանդել»,-ավելացրել է մյուսը:
Մեկն էլ ընդդիմությանն է հիշել՝ ասելով, որ վերջինս զինվորի կյանք չի փրկել:
Մյուս սատարող օգտատերն էլ խնդրել է սանձել «17 գլխանի դեւին»:
Մեկ այլ օգտատեր եւս «սատանաների» մասին է ակնարկել, մյուսը՝ «յոթ գլխանի տականքների»:
Մեկն էլ կոչ է արել Վլադիմիր Պուտինի ամբողջական հարցազրույցը դիտել:
Մյուսն էլ հարցրել է՝ «բանակցությունները նորից դո՞ւ ես վարելու, իմանանք, թուրքին պատրաստված դիմավորենք»:
Սատարող անձանցից մեկն էլ գրել է՝ «Մեզ չկոտրեք ձեր հրաժարականով»:
Օգտատերերից մեկն էլ հեգնել է՝ «հետեւեք միայն ՊՆ պաշտոնական տեղեկատվությանը»:
Լուիզա ՍՈՒՔԻԱՍՅԱՆ
