Սոցիալական իրավունքների եվրոպական կոմիտեն հրապարակել է իր 2020թ. եզրակացությունն այն մասին, թե արդյոք եվրոպական երկրները համապատասխանում են աշխատանքի, դասընթացների և հավասար հնարավորությունների վերաբերյալ Եվրոպական սոցիալական խարտիային:
Հետազոտության մեջ ներառվել է 33 երկիր, այդ թվում Հայաստանը: Վերլուծության ենթարկվել է 2015թ. հունվարի 1-ից 2018թ. դեկտեմբերի 31-ն ընկած ժամանակահատվածը:
Հայաստանի մասով վերլուծվել է 8 դրույթ, որոնցից 6-ի դեպքում Եվրոպական սոցիալական խարտիային համապատասխանությունը բացակայում է: Երկու դրույթների դեպքում Կոմիտեն գտել է, որ իրավիճակը գնահատելու համար ավելի շատ տեղեկատվություն է անհրաժեշտ: Կոմիտեն գտնում է, որ հայցվող տեղեկատվության բացակայությունը հավասարազոր է Վերանայված սոցիալական խարտիայով Հայաստանի ստանձնած հաշվետվողականության պարտավորության խախտման:
Եզրակացության համաձայն՝ Հայաստանում աշխատանքի ընդունվելիս հավասար հնարավորություններ (առանց սեռական խտրականության) չեն ստեղծվում: Խախտված է նաև տեղաշարժման սահմանափակ հնարավորություններով անձանց անկախության, սոցիալական ինտեգրման և համայնքի կյանքին մասնակցության իրավունքը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
