Aravot.am-ի տեղեկություններով՝ ոստիկանությունը ԱԱԾ-ից ստացել է գրություն, ըստ որի՝ 1999 թվականից մինչև 2021 թվականի հուլիս ամիսը Արագածոտնի մարզի Արտաշավան համայնքի ղեկավարը՝ հանդիսանալով պաշտոնատար անձ, «Ագրիլենդ» ՍՊԸ-ի սեփականատերերի և նրա ներկայացուցիչների օգտին, իր լիազորությունների շրջանակում կատարել է ակնհայտ ապօրինի գործողություն։
Համաձայն այդ գրության՝ համայնքին պատկանող վարելահողերի մի մասը որպես արոտավայրեր ներկայացնելու և իր կողմից կազմակերպված ձևական աճուրդների միջոցով, տվյալ ընկերությանը վաճառելու համար 2017թ. մարտ-հուլիս ամիսներին կազմել և օգտագործել է կեղծ փաստաթղթեր, կազմակերպել ձևական աճուրդներ։ Այդպիսով՝ համայնքային սեփականություն հանդիսացող 67 հա մակերեսով վարելահողերի մի մասը որպես արոտավայր 26.000.000 դրամ օտարել է հիշյալ ընկերությանը և այդ ամենի դիմաց որպես կաշառք ստացել է 67.000.000 դրամ:
Բացի այդ նույն պաշտոնատար անձը կազմել և օգտագործել է կեղծ փաստաթղթեր, որի արդյունքում նույն համայնքի բնակիչ Ջ. Խ.-ին հանձնված 0.1533 հա մակերեսով հողամասը ձևական աճուրդի արդյունքում դարձել է այլ անձի սեփականությունը:
