«Արդեն քանի ժամ է, ինչ կառավարության անդամները եւ վարչապետի պաշտոնը զբաղեցնող անձը թույլ են տվել Սյունիքում դնել թշնամական անցակետ եւ հպարտանում են, որ թույլ են տվել։ ԱԽ քարտուղարն էլ հպարտանում է, որ Սյունիքում շրջանցող ամենալավ ճանապարհն են կառուցել։ Կապիտուլյանտ իշխանությունը միայն դա կարող է անել»,-կառավարության շենքի դիմաց այսօր Գորիս-Կապան միջպետական ճանապարհին ադրբեջանական մաքսային անցակետերի ապօրինի տեղադրման դեմ բողոքի ցույցի ժամանակ հայտարարեց «Հայաստան» դաշինքի պատգամավոր Գեղամ Մանուկյանը։
Նրա բնորոշմամբ՝ Սյունիքի ճանապարհին հաստատվել է թուրքական մենիշխանություն, եւ ՀՀ իշխանությունը դրանից չի ամաչում, վատ չի զգում․ «Նիկոլ Փաշինյանը չի ամաչում։ Դավաճանական գործողության արդյունքում ՀՀ-ի հարավը կտրվեց երկրից, Սյունիքի մի շարք գյուղեր մնացին շրջափակման մեջ։ Իսկ սրանք հպարտանում են, թե խաղաղություն են բերել։ Տեղեկություններ կան, որ որոշ ոստիկանների թույլ չեն տվել անցնել այդ մայրուղով։ Խաղաղության խոստումով բերում են նվաստացում»։
Կարդացեք նաև
Պատգամավորը քաղաքացիներին դիմելով ասաց, որ քանի լռում են՝ իշխանությունը գաղտագողի համաձայնության է գալիս թուրքի հետ․ «Երեկ հերթական դավաճանական օրն էր, երբ ՏԿԵ նախարարը խոսեց շրջանցող, խղճուկ ճանապարհի մասին, եւ նույն օրը ԱԽՔ Արմեն Գրիգորյանը հարցազրույցի ժամանակ «պատահական» ասաց, թե Ադրբեջանը տեղեկացրել է մաքսակետեր դնելու մասին, իրենք էլ «պատահական» դնելու են մաքսակետ»։
Լուիզա ՍՈՒՔԻԱՍՅԱՆ
Հոդվածի միայն վերնագիրն եմ կարդացել. ՍՈՒՏ Է ՀՀ հարավը ՉԻ ԿՏՐՎԵԼ Երկրից: