Երեկ՝ դեկտեմբերի 5-ին ՏԻՄ ընտրություններ անցկացվեցին նաեւ Վանաձոր խոշորացված համայնքում: Ընտրություններին 92.182 քաղաքացուց մասնակցել է 33.199 ընտրող կամ քաղաքացիների 36.01 տոկոսը: Սա Վանաձորի ընտրական պատմության մեջ ամենացածր ցուցանիշն է:
Թիվ 23 ՏԸՀ-ում արդեն իսկ ամփոփել են ընտրությունների նախնական արդյունքները. «Կա նախնական պատկեր, թե որ ուժերն են հաղթահարում 4 եւ 6 տոկոսանոց քվոտան: Դրանք են՝ ՀԱՍԿ, «Քաղաքացիական պայմանագիր», «Ապրելու երկիր», «Հայրենիք» կուսակցությունները եւ «Մամիկոն Ասլանյան» դաշինքը»,- ասաց 23-րդ ՏԸՀ-ի նախագահ Տիգրան Պապանյանը, միաժամանակ տեղեկացնելով նաեւ, որ կատարել են մանդատների նախնական բաշխում:
Այսպիով՝ ՀԱՍԿ-ը ստանում է 5 մանդատ, «Քաղաքացիական պայմանագիրը»՝ 9 մանդատ, «Ապրելու երկիրը» եւ «Հայրենիք» կուսակցությունները 2-ական մանդատ եւ «Մամիկոն Ասլանյան» դաշինքը ստանում է 15 մանդատ. «Սրանք նախնական թվեր են, քանի որ հնարավոր է, որ բողոքարկումներ լինեն, պարկեր բացվեն եւ տեղամասում թվեր փոխվեն: Իսկ թվերը փոխվելուց հետո իհարկե հնարավոր է, որ այս պատկերը փոխվի: Մեկ շաբաթ հետո արդեն վերջնական արդյունքները կունենանք»,- ասաց հանձնաժողովի նախագահը:
Կարդացեք նաև
Տաթեւիկ ՂԱԶԱՐՅԱՆ
