«Սիսական» ջոկատի հայտարարությունը
«Սիսական» ջոկատի մարտիկներս խստորեն դատապարտում ենք ՀՀ իշխանությունների կողմից իրականացվող քրեական հետապնդումներն արցախյան երեք ազատամարտերի մասնակից, «Սիսական» ջոկատի հրամանատար, գնդապետ, հայրենիքի նվիրյալ Աշոտ Մինասյանի նկատմամբ։
Գործող իշխանություններն իրականացնում են ակնհայտ պարտվողական քաղաքականություն. թշնամուն են հանձնվում Սյունիքի՝ կենսական նշանակություն ունեցող հատվածներ, և «Սիսական» ջոկատն իր հրամանատարի ղեկավարությամբ այդ ազգադավ քաղաքականությանը խանգարող կառույցներից մեկն է:
«Սիսական» ջոկատի լեգենդար հրամանատար Աշոտ Մինասյանը, որը մեղադրվում է մի խումբ անձանց կողմից նախնական համաձայնությամբ ապօրինի զենք, ռազմամթերք ձեռք բերելու և պահելու մեջ, դեկտեմբերի 1-ին անհիմն կերպով կալանավորվեց։ Կալանավորելու վերաբերյալ միջնորդությունը Ազգային Անվտանգության ծառայությունը ներկայացրել էր դեռևս մեկ տարի առաջ` 2020 թվականի նոյեմբերին, սակայն մերժվել էր Երևանի ընդհանուր իրավասության դատարանի կողմից՝ զենքի և ռազմամթերքի հետ Աշոտ Մինասյանի կապը չհաստատվելու հիմքով:
Կարդացեք նաև
Հարուցված գործի և կալանավորման վերաբերյալ Աշոտ Մինասյանը դիրքորոշում էր հայտնել, որ տեղի ունեցածն իրեն մեկուսացնելու նպատակ է հետապնդում՝ պայմանավորված Սյունիքում տեղի ունեցող գործընթացներով: Ըստ Մինասյանի՝ առաջին փուլով Սյունիքի համայնքապետերին էին մեկուսացնում, իսկ երկրորդ փուլով՝ արդեն այլ ակտիվ անձանց:
Մեկ անգամ ևս դատապարտո՛ւմ ենք և կոչ անում ՀՀ իշխանություններին՝ դադարեցնել քրեական հետապնդումները Հայրենիքի նվիրյալների նկատմամբ:
«ՍԻՍԱԿԱՆ» ՋՈԿԱՏԻ ՄԱՐՏԻԿՆԵՐ
Աշոտ Մինասյանի Պաշտպանության Խորհուրդ
