Արմեն Աշոտյանը քաղբանտարկյալ է։ Այս մասին «դիզվառելիքի գործով» դատական նիստից հետո լրագրողների հետ ճեպազրույցում ասաց ՀՀ երրորդ նախագահ Սերժ Սարգսյանը` անդրադառնալով ՀՀԿ փոխնախագահ Արմեն Աշոտյանի կալանավորմանը։
«Ես իմ տեսակետը հայտնել եմ, մենք հայտնել ենք մեր կոլեկտիվ տեսակետը։ Այսինքն՝ ի՞նչ տեսակետ պետք է ես հայտնեմ, որ բոլորին հասկանալի լինի, որ Արմեն Աշոտյանը քաղբանտարկյալ է, որ Արմեն Աշոտյանին ուղղակի մեկուսացրել են՝ ինչ-որ վախերից ելնելով»,- ասաց նա։ Սերժ Սարգսյանը հավելեց, որ այսպիսով Աշոտյանին ոչ միայն Արցախի հարցից են մեկուսացնում, այլ ընդհանրապես ներքաղաքական իրավիճակից են մեկուսացնում, միջազգային գործընկերների հետ հարաբերություններից են մեկուսացնում։
«Շատ ակնհայտ է դա: Նայեք, տարբեր հարցումներ են հրապարակվում, եւ տեսեք, թե մարդկանց մեծ մասն ինչ է մտածում այդ առիթով: Այստեղ կասկածելի ոչինչ չկա բացարձակապես։ Երբ որ չորս տարվա քրեական գործը սառեցնում են, նույն Արմեն Աշոտյանին չեն հարցաքննում մի քանի անգամ ու հետո ինչ-որ մտացածին բան են հորինում՝ իբր խափանման միջոցի պայմանները խախտելու եւ փոխում են խափանման միջոցն ու Արմեն Աշոտյանին մեկուսացնում, ակնհայտ է, չէ՞, որ այդ ամեն ինչը շինծու է»,-ասաց նա:
Կարդացեք նաև
Ռոզա ՀՈՎՀԱՆՆԻՍՅԱՆ
