«Մտահոգված ենք, որ շարունակվում է Լաչինի միջանցքի արգելափակումը։ Այժմ ավելի շատ, քան նախկինում՝ տեղում քայլեր են անհրաժեշտ թոթափելու լարվածությունը ԼՂ շուրջ, մասնավորապես դադարեցնել Լաչինի միջանցքի արգելափակումը և օգտագործել մարդասիրական այլ ճանապարհներ»,- ՄԱԿ-ի ԱԽ նիստում հայտարարեց ՌԴ ներկայացուցիչ Դմիտրի Պոլյանսկին։
Նա վստահեցրեց՝ ՌԴ-ն բոլոր ջանքերը գործադրում է, որ արագ հանգուցալուծվի այս ճգնաժամը և աջակցեն հարաբերությունների նորմալացմանը ՀՀ-ի և Ադրբեջանի միջև․ «ՀՀ-ի և Ադրբեջանի հաշտեցումը հնարավոր չէ, եթե հստակ անվտանգության երաշխիքներ չլինեն ԼՂ բնակիչների համար միջազգայնորեն ճանաչված սկզբունքների հիման վրա՝ Ադրբեջանի օրենքների համատեքստում։ Այդ տրամաբանությունը բխում է վերջին համաձայնություններից, որոնք վերահաստատվել են ՀՀ-ի և Ադրբեջանի առաջնորդների միջև»։
Նա նաև նշեց, որ հուլիսի 25-ին ՀՀ, ՌԴ, Ադրբեջանի ԱԳ նախարարների միջև բանակցությունների ժամանակ՝ Մոսկվայում իրենք առաջարկել են «իրատեսական կոմպրոմիսներ» և մանրամասնեց․ «Դա ենթադրում է զուգահեռ մարդասիրական միջանցքի բացում Աղդամով և Լաչինով քաղաքացիական անձանց և բեռների տեղաշարժի համար, որ արագ վերսկսվի երկխոսությունը Բաքվի ներկայացուցիչների և ԼՂ բնակչության ներկայացուցիչների միջև։ Մենք պատրաստ ենք աշխատել բոլոր պատասխանատու դերակատարների հետ, որոնք հետաքրքրված են ԼՂ-ում իրավիճակի նորմալացմամբ և ՀՀ-Ադրբեջան հաշտեցմամբ»։
Կարդացեք նաև
Տաթև ՀԱՐՈՒԹՅՈՒՆՅԱՆ
Հ․ Գ․ Ելույթներից հետո նիստն ավարտվեց։ Որեւէ փաստաթուղթ չընդունվեց։
Միմա սպասում ենք Մայր Հայաստան շարժման ներկայացուցիչների սույն սրիկայական ելույթի արդարացմանը։ Ոխերիմ դաշնակցից հեռու մնալ է պետք