Մեր ծրագրերի իրականացման մեջ լրջագույն պրոբլեմներ եմ տեսնում, մասնավորապես դպրոցներում իրականացվող ծրագրերում. այսօր կայացած կառավարության նիստում հայտարարեց վարչապետ Նիկոլ Փաշինյանը: Հայտարարության առիթը ՀՀ ՏԿԵՆ նախարար Գնել Սանոսյանի կողմից զեկուցվող հարցն էր՝ Ֆիոլետովո համայնքում մանկապարտեզի շենք կառուցելու համար տրամադրվող հողատարածքի մասին: Հարցի համատեքստում Նիկոլ Փաշինյանն անդրադարձավ մարզերում մանկապարտեզների եւ դպրոցների կահավորման հարցերին, ինչի արդյունքում այսօր երկու պաշտոնյաներ՝ ՀՀ քաղաքաշինության կոմիտեի նախագահ Արմեն Ղուլարյանը և Լոռու մարզպետ Արամ Խաչատրյանն ազատվել են աշխատանքից:
«Շատ դեպքերում գործ ունենք նախագծման խոտանի հետ, իրականացման խոտանի հետ եւ գույքի որակի հետ կապված խոտանի հետ: Ձեզ մի օրինակ բերեմ, մենք դպրոցների մարզադահլիճների ծրագրեր ենք իրականացնում, կառուցում ենք մարզադահլիճը ու արձանագրում ենք հետեւյալը. այդ մարզադահլիճում կա բասկետբոլի վահանակ: Բասկետբոլի վահանակը բասկետբոլի վահանակն է, չի կարող այնտեղ նմանեցված ինչ-որ բան կախված լինել, ցանկացած բան, որի վրա օղակ է, դա բասկետբոլի վահանակ չէ: Ընդ որում` սեպտեմբերից ուր գնում եմ, նայում եմ՝ ասում եմ այս վահանակը ոնց որ էն չի, բոլորն ասում են՝ չէ նորմալ է, այդպես էլ պետք է լինի, պետք չի շատ խորանալ, պարոն վարչապետ: Բայց հիմա արձանագրում ենք, որ մի քանի հազար դրամ այս կողմ – այն կողմ անելու համար ինչ ասես բերում կախում են:
Կամ գույք ենք ձեռք բերել, տվել ենք ֆիզկուլտուրայի դահլիճին, օրինակ վոլեյբոլի ցանց, բայց դահլիճում վոլեյբոլի գծանշում չկա: Մենք հիմա տասնյակ դպրոցների տվել ենք վոլեյբոլի ցանց, բայց մտնում ես դահլիճ, ասում ես՝ բա ո՞ւր է վոլեյբոլը: Մեր ամբողջ նպատակը տնայնագործությունից դուրս գալն է, ի վերջո պետական հաստատություն է: Էլ չեմ ասում շվեդական պատերը, այցի ժամանակ գնում բռնում ենք, փուշ է մտնում մատներս, բա ենթադրվում է, որ երեխաները այնտեղ պետք է մարզվեն, գնում ենք կախիչին ձեռք ենք տալիս ընկնում է, որտեղ գնում ես, ջուրը կաթում է: Էլ չեմ ասում , որ ես 5 ամիս չկարողացա բացատրել, որ պետք չէ զուգարանում թափանցիկ ապակի դնել, զուգարանի պատուհանը ինչո՞ւ է թափանցիկ պատից, դրա համար հատուկ գիտելիքնե՞ր է պետք ունենալ: Ինչու պետք է վարչապետը գնա այդ ամենը տեսնի»,-հայտարարեց Նիկոլ Փաշինյանը՝ հավելելով, որ այդ ծրագրերի իրականացման պատասխանատուները մարզպետներն են եւ նրանց հորդորեց՝ հետեւողական լինել:
Այլ մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
Նելլի Գրիգորյան, մարդկանց ծաղրում եք՞։ Բոլոր հարցերը լուծվել են մնացել է․ “պետք չէ զուգարանում թափանցիկ ապակի դնել, զուգարանի պատուհանը ինչո՞ւ է թափանցիկ պատից”․
Հարգելի Գոհար, հոդվածում Նիկոլ Փաշինյանի խոսքն է, ոչ թե լրագրող Նելլի Գրիգորյանի
Շնորհակալ եմ անդրադարձի համար հարգելի Աննա Իսրայելյան։ Երանի թե այդ խոսքերը Նելլի Գրիգորյանինը լիներ, հազիվ թե։ Աբսուրդից դուրս է , որ այն վարչապետինն է։ Դա նրան հուզող վերջին հարցն էլ չպե՛տք է լիներ։ Ի՜նչ ամոթ է։