«Եթե ինչ-որ մեկը նպատակադրվել է փոխել Անկախության հռչակագիրը, նշանակում է՝ ժողովրդի արժանապատվությանն ուղղված հարցեր ունի»,- այսօր «ՀայաՔվե» նախաձեռնության կազմակերպած «Անկախության հռչակագրի պաշտպանության հրամայականը եւ միջազգային կենսունակ պետության տեսլականը» թեմայով քննարկման ժամանակ իր ելույթում ասաց նախկին պատգամավոր, ՀԱԿ փոխնախագահ Արամ Մանուկյանը:
Բանախոսի ներկայացմամբ՝ Անկախության հռչակագիրը միակն է, ոչ որոշում է, որ օրենք. «Դա ծննդյան վկայական է, եւ անհնար է այն մերժել։ Հռչակագիրն ունիկալ է նրանով, որ ընդունվել է դեռեւս ԽՍՀՄ պայմաններում: Անկախության հռչակագիրը փաստաթուղթ է, որն արտացոլում է ժողովրդի հավաքական արժանապատվությունը»:
Արամ Մանուկյանը հիշեցրեց, որ ԽՍՀՄ բաժանումն էր, որ ձեւավորեց Հայաստանի զարգացման հեռանկարներ եւ այդ ժամանակ ընդունված Անկախության հռչակագիրը ընդունվել է հանրության գերկոնսենսուսի պայմաններում. բազմակուսակցական հանձնաժողովը՝ 15 մարդուց բաղկացած, դիտարկել է 10 տարբերակ, ընտրվել է 3-ը, դրանք քննարկվել են, եւ 192 կողմ եւ «զրո» դեմ ձայնով ընդունվել է։ Անկախության հռչակագրի տեքստը խորհրդարանի նիստում ընթերցել է Արամ Մանուկյանը:
Կարդացեք նաև
«Խոզություն է՝ կեղտոտ ձեռքերով մարդկանց մոտենալն անգամ սրբությանը»,- հայտարարեց նա։
Այլ մանրամասները՝ տեսանյութում
Նելլի ԳՐԻԳՈՐՅԱՆ
