«Թիրախավորվել է ՀՀ Անկախության հռչակագիրը, որովհետեւ թիրախավորված է Հայոց պետականությունն ինքնին: Մենք պետք է վերջապես հասկանանք՝ մեր թշնամու նպատակը վերացնելն է մեր անկախ պետականությունը: Իսկ եթե չենք ունենում անկախ պետականություն, չենք լինում նաեւ մենք»,- «Անկախության հռչակագրի պաշտպանության հրամայականը եւ միջազգային կենսունակ պետության տեսլականը» թեմայով քննարկման մեկնարկին, լրագրողների հետ զրույցում, ասաց «ՀայաՔվե» նախաձեռնության անդամ Մենուա Սողոմոնյանը՝ պնդելով, որ սա մեզ վերացնելու հերթական քայլերից մեկն է:
Մենուա Սողոմոնյանը նաեւ հայտարարում է՝ թշնամուն չի հաջողվելու մեր իսկ ձեռքով մեզ վերացնելը եւ այս համաժողովի ուղերձը՝ վճռական «ոչ»-ը ուղղված է ոչ միայն մեր ժողովրդին, այլ ամբողջ աշխարհին եւ անձամբ Իլհամ Ալիեւին. «Ով երկու օր առաջ ևս հանդգնություն ունեցավ հայտարարելու, որ Հայաստանի հանրապետությունը պարտավոր է ընդունել Ադրբեջանի բոլոր նախապայմանները, իսկ Անկախության հռչակագրից հրաժարումն այդ նախապայմաններից մեկն է»:
Նրա կարծիքով, այս իշխանության շարունակությամբ մենք ստանալու ենք եւ պատերազմ եւ նվաստացումներ. «Այսօր մենք պատերազմից հինգ ենք պակաս, ուստի պետք է ամուր կանգնենք մեր պետականության կողքին՝ մի կողմ գնելով մնացած բոլոր նկատառումները: Այո, այս իշխանությամբ պատերազմի գնալը կործանարար է եւ նրանց հեռացնելը հրամայական է»:
Կարդացեք նաև
Այլ մանրամասները՝ տեսանյութում
Նելլի ԳՐԻԳՈՐՅԱՆ
