«Մայր Հայաստան» դաշինքի ղեկավար Անդրանիկ Թեւանյանը կարծում է, որ այն մտավորականները, որոնք այս օրերին հայատյաց կամ թուրքամետ հայտարարություններ ու դիտարկումներ են անում՝ այդ կերպ ընդամենը փորձում են հաճոյանալ Նիկոլ Փաշինյանին:
Անդրանիկ Թեւանյան
«Ծատուրյաններին մտավորական ասելը մի քիչ բարձրագոչ է հնչում: Մտավորականության մեր պատկերացումները պետք է փոխել: Մտավորականն այն չէ, որ ինչ-որ բեղ կամ մորուք է պահում, կամ ոչ ստանդարտ ձեւով հագուստ հագնում ու մի երկու նախադասություն արտահայտում: Ծատուրյանները ստոկհոլմյան համախտանիշով տառապող մարդիկ են կամ այդ պարզ ծամածռություններով այս իշխանություններին դուր եկողներ: Այդ մարդիկ որսացել են քամիները, որ Նիկոլ Փաշինյանի համար թուրքամետ կամ հայատյաց հայտարարությունները ընկալելի եւ ընդունելի են, Թուրքիայի միջոցով քծնում են Փաշինյանին: Միգուցե կանխատեսում են, որ Հայաստանն ի վերջո կարող է Թուրքիայի կողմից կլանվել, էս գլխից Էրդողանի՞ն են քծնում: Այդ մարդիկ ամեն ինչի էլ ընդունակ են»,- անդրադառնալով Հայաստանի ժողովրդական արտիստ Նիկոլայ Ծատուրյանի դիտարկումներին, թե «Եկեք մի շրջան մոռանանք Եղեռնը, թուրքերին փշի- փշի անենք»,- ասաց Անդրանիկ Թեւանյանը:
Արփինե ՍԻՄՈՆՅԱՆ
