«Առավոտի» հյուրն է Գուգարաց թեմի առաջնորդ Գերաշնորհ Տեր Հովնան եպիսկոպոս Հակոբյանը: Նրա համոզմամբ, եկեղեցին պետությունից անջատելու դրույթը գալիս է Ֆրանսիական Մեծ հեղափոխության ավանդույթներից: Այն ժամանակ խնդիր էր դրված ազատվելու կաթոլիկ եկեղեցու տիրապետությունից եւ ունենալ աշխարհիկ կառավարում: Ֆրանսիական մոդելը շատ երկրների, այդ թվում՝ Հայաստանի համար օրինակ է ծառայել: Սակայն կոնկրետ մեր երկրի դեպքում Հայ առաքելական եկեղեցին պետական լծակներ ունենալու հավակնություններ երբեք չի ունեցել, ու այդ խնդիրը, հետեւաբար, շինծու է:
Հովնան սրբազանը հիշեցնում է, որ բազմաթիվ աշխարհիկ պետությունների սահմանադրություններում ու այլ հիմնարար փաստաթղթերում հիշատակվում է Աստծո անունը: Այդպիսին է, օրինակ, ԱՄՆ Անկախության հռչակագիրը: Եպիսկոպոսը դա բացատրում է նրանով, որ ցանկացած գործ պետք է Աստծո անունով կատարել՝ մանավանդ, երբ խոսքը քրիստոնյա աշխարհի մասին է:
Ի՞նչ է պետք անել, երբ աղանդավորները թակում են քո դուռը եւ առաջարկում են զրուցել Ավետարանի մասին: Հովնան սրբազանն առաջարկում է այդ մարդկանց բացատրել, որ նրանք իրավասու չեն մեկնելու Սուրբ գիրքը, որովհետեւ նման պատրաստվածություն չունեն: Իսկ ընդհանրապես աղանդների տարածումը եպիսկոպոսը բացատրում է սոցիալական խնդիրներով:
Մանրամասները` տեսանյութում
Կարդացեք նաև
Արամ ԱԲՐԱՀԱՄՅԱՆ
