ՀՖՖ տեխնիկական կենտրոն/ֆուտբոլի ակադեմիայում ֆուտբոլի Հայաստանի ազգային հավաքականը այսօրվանից սկսել է նախապատրաստությունը ՈՒԵՖԱ Ազգերի լիգայի խաղարկության՝ Ֆարերյան կղզիների եւ Լատվիայի հետ առաջիկա հանդիպումներին:
ՀՖՖ տեխնիկական տնօրեն Սուրեն Չախալյանի գլխավորությամբ հավաքին մասնակցելու հրավեր ստացել է 26 ֆուտբոլիստ:
Դարպասապահներ. Օգնյեն Չանչարեւիչ, Արսեն Բեգլարյան, Հենրի Ավագյան:
Պաշտպաններ. Վարազդատ Հարոյան, Անդրե Չալըշըր, Գեորգի Հարությունյան, Նաիր Թիկնիզյան, Էդգար Գրիգորյան, Էրիկ Սիմոնյան, Սերգեյ Մուրադյան, Հովհաննես Համբարձումյան:
Կարդացեք նաև
Կիսապաշտպաններ/հարձակվողներ. Տիգրան Բարսեղյան, Էդուարդ Սպերցյան, Ուգոչուկվու Իվու, Վահան Բիչախչյան, Էդգար Սեւիկյան, Հրանտ-Լեոն Ռանոս, Ժիրայր Շաղոյան, Լուկաս Սելարայան, Արթուր Միրանյան, Նարեկ Գրիգորյան, Սոլոմոն Իմե Ուդո, Գոռ Մանվելյան, Կարեն Մուրադյան, Հովհաննես Հարությունյան, Արթուր Սերոբյան:
Թեեւ հրավեր ստացել են, սակայն հարգելի պատճառներով հավաքականին չեն կարող միանալ Սարգիս Ադամյանը եւ Ստյոպա Մկրտչյանը:
Հայաստանի ազգային հավաքականը Ֆարերյան կղզիներին կհյուրընկալի նոյեմբերի 14-ին Վազգեն Սարգսյանի անվան Հանրապետական մարզադաշտում, իսկ Լատվիայի հետ արտագնա հանդիպումը կկայանա նոյեմբերի 17-ին:
Երեւանյան հանդիպումը կսպասարկի Հունաստանի մրցավարական կազմը՝ Թասոս Սիդիրոպուլոսի գլխավորությամբ: Նրան կօգնեն Պոլիխրոնիս Կոստարասը եւ Լազարոս Դիմիտրադիսը:
Աշոտ ՀԱԿՈԲՅԱՆ
