«Հովիկ Աղազարյանի եւ Հակոբ Ասլանյանի՝ ՔՊ-ից հեռացումը շատ տրամաբանական եմ համարում, եւ անթույլատրելի եմ համարում երկրին, պետությանը, ազգային անվտանգությանը վերաբերող տեղեկատվությունները, որոնց պաշտոնյան ի պաշտոնե տիրապետում է՝ հրապարակելը»,- կառավարության այսօրվա նիստից հետո լրագրողներին ասաց էկոնոմիկայի նախարար Գեւորգ Պապոյանը։
Հարցին, թե նորմա՞լ էր պատգամավորի հեռախոսի պարունակությունը ՔՊ վարչության նիստում հրապարակելը, Պապոյանը պատասխանեց․ «Ես կարծում եմ՝ բոլոր քաղաքական գործիչները, հանրային մարդիկ պետք է որոշակի զսպվածություն, այդ թվում բարոյական զսպվածություն պետք է պահեն։ Քաղաքականությունը նաեւ ենթադրում է լրացուցիչ պատասխանատվություն»։
Մանրամասները՝ տեսանյութում
Կարդացեք նաև
Հարցին՝ ՔՊ-ն կասկածո՞ւմ է, որ Հակոբ Ասլանյանը եւս արտահոսք է արել, Պապոյանը պատասխանեց․ «Չեմ բացառում»։
Անդրադառնալով հարցին, թե ինչո՞ւ էր պատգամավոր Հակոբ Ասլանյանի զղջման տեքստը գրել ԲՏԱ նախարար Մխիթար Հայրապետյանը, նա պատասխանեց․ «Ես գիտեմ, որ Մխիթար Հայրապետյանն է Հակոբ Ասլանյանին բերել քաղաքական կուսակցություն։ Եվ իրենց մեջ ոչ միայն ուսուցչի եւ աշակերտի, այլ նաեւ մարդկային լավ հարաբերություններ են եղել։ Եվ ես գիտեմ, որ այդ տրամաբանությամբ է եղել»։
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
