«Առնվազն փաստ է, որ մեր դատավարությունը չի նախատեսում, որ դատարանը պետք է իրականացնի դատախազության գործառույթ»,-ՀՀԿ փոխնախագահ Արմեն Աշոտյանի գործով դատական նիստից հետո լրագրողների հետ զրույցում ասաց Արմեն Աշոտյանի պաշտպան Ռուբեն Մելիքյանը։
Նա կարևորեց՝ մարդիկ պետք է իմանան, թե դատավարության նոր մոդելն ինչ է ու մանրամասնեց․ «Հիմնական հարցեր տվողները պետք է լինեն կողմերը․ դատարանի դերը լրացական պիտի լինի։ Դատարանը մեր քրեական դատավարությամբ չունի հարյուրամյակներ, մի քանի տասնամյակների վաղեմություն ունեցող օբյեկտիվ ճշմարտության բացահայտման գործառույթ։ Մենք որոշ դեպքերում մեր իրավունքներից չենք օգտվում։ Երբ որոշակի առումով տեսնում ենք, որ չափազանցված է լինում, միջամտում ենք։ Կարևոր է, որ դատարանը չստանձնի որևէ կողմի գործառույթ»։
Ռուբեն Մելիքյանը նաև տեղեկացրեց՝ մնացել է հինգ վկայի հարցաքննություն ու ասաց․ «Իմ հաշվարկով՝ մոտ երկու ամսից գուցե վկաների հարցաքննությունն ավարտենք»։
Կարդացեք նաև
Տաթև ՀԱՐՈՒԹՅՈՒՆՅԱՆ
Լուսանկարը՝ Շիրազ Խաչատրյանի ֆեյսբուքյան էջից
