«Մենք հայտնվել ենք մի իրավիճակում, որտեղ ադրբեջանական կողմը բոլոր հնարավոր նախապայմանները դնում է, այս իշխանությունները դրանք իրականացնում է, բայց զուգահեռաբար չեն էլ բարձրաձայնում եւ հստակ չեն արձանագրում այն բոլոր խնդիրները, որոնք որ կան։ Գերիների մասին ընդհանրապես որեւէ խոսք չկար այդ ֆորումի ժամանակ․ երբ որ Ադրբեջանը նախապայմաններ է դնում ու իր տեսակետից իր պահանջներն է ներկայացնում, մենք չլսեցինք ՀՀ ԱԳ նախարարի պաշտոնը զբաղեցնող անձից մեր տարածքների վերաբերյալ հարցը»,- խորհրդարանում լրագրողների հետ զրույցում ասաց «Հայաստան» խմբակցության պատգամավոր Աննա Գրիգորյանը՝ անդրադառնալով Անթալիայի դիվանագիտական ֆորումի ժամանակ ՀՀ եւ Ադրբեջանի ԱԳ նախարարների, Հայաստանի հետ բանակցություններում Թուրքիայի հատուկ ներկայացուցչի հայտարարություններին։
Հիշեցնենք, Ադրբեջանի ԱԳ նախարարը կրկին հայտարարել էր, որ Հայաստանը պարտավոր է փոխել իր Սահմանադրությունը, որպեսզի Ադրբեջանի հետ խաղաղության համաձայնագիրը ստորագրվի։ ԱԳ նախարար Արարատ Միրզոյանը մեկ հայտարարեց, որ Հայաստանը նման պարտավորություն ստանձնել է, ապա ասաց՝ Սահմանադրությունը փոխելը ՀՀ-ի ներքին գործն է։ Իսկ Հայաստանի հետ բանակցություններում Թուրքիայի հատուկ ներկայացուցիչն ասել էր՝ ՀՀ պետական ինստիտուտների խնդիրն է՝ ինչպե՞ս դա անել։
Աննա Գրիգորյանը ուշադրություն է հրավիրում այն հանգամանքին, որ իր խոսքում Արարատ Միրզոյանը հպանցիկ ասում է՝ մենք էլ կարող ենք ասել, որ Ադրբեջանը ինչ-ինչ խնդիրներ ունի, բայց չենք ասում եւ ադրբեջանցի գործընկերոջից ստանում է պատասխան․ «Բա գիտե՞ք ինչի չեք ասում․ դուք չեք ասում, որովհետեւ գիտեք, որ իրականում նման բան չկա ու Արարատ Միրզոյանն էլի բան չի ասում»։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
