«Տիկին Ղազարյան, ամենայն հարգանքով Ձեր կարգավիճակի հանդեպ, փորձեմ հնարավորինս մեղմ ձեւակերպել»,- խորհրդարանում, կառավարության 2021-26 թվականների ծրագրի՝ 2024 թվականի ծրագրի կատարման ընթացքի քննարկման ժամանակ իշխող խմբակցության պատգամավոր Սոնա Ղազարյանին դիմեց ընդդիմադիր պատգամավոր Էլինար Վարդանյանը՝ ասելով, որ ընտանեկան բռնության օրենքի փոփոխության հետ կապված իր ներկայացրած նախագիծը դեռ չի նշանակում, որ ԱԺ ամբիոնից «փրկչի կեցվածքով պետք է խրատներ տաք»։ Էլինար Վարդանյանը հիշեցրեց՝ ընտանեկան բռնության մասին օրենքը ներկայիս իշխանությանը ժառանգություն է հասել՝ «ձեր չսիրած նախկիններից»։
Դահլիճից Սոնա Ղազարյանն արձագանքում էր։
Էլինար Վարդանյանն էլ հորդորեց․ «Մի փորձեք տպավորություն ստեղծել, որ օրենքի հեղինակը դուք եք։ Մի քիչ համեստ եղեք»։
Նա նախատեց, որ երբ ԱԺ ամբիոնի մոտ բռնության էին ենթարկում ԱԺ կին պատգամավորին, իրենցից նույն կեցվածքով որեւէ արձագանք չեղավ։ Խոսքը «Պատիվ ունեմ» խմբակցության պատգամավոր Թագուհի Թովմասյանի մասին է։
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
