ԱԺ ՔՊ խմբակցության պատգամավոր Անդրանիկ Քոչարյանը ներողություն է խնդրել Արցախի նախագահ Սամվել Շահրամանյանից։ Այս մասին այսօր լրագրողների հետ ճեպազրույցում ասաց Սամվել Շահրամանյանը։
ՔՊ-ական պատգամավոր Անդրանիկ Քոչարյանը պնդել էր, թե Սամվել Շահրամանյանը ստորագրությամբ լուծարել է Արցախը։ «Սամվել Շահրամանյանն ինքնասպան լիներ՝ ավելի ճիշտ էր»,- ասել էր Քոչարյանը։
«Այդ հայտարարություն անող անձն ինձանից ներողություն է խնդրել, երբ իմացել է ճշմարտությունը»,- ասաց Շահրամանյանը։
Նա նաեւ նշեց, որ արցախցիներն իրենց համարում են ՀՀ քաղաքացի, որովհետեւ ունեն համապատասխան անձնագրեր եւ ոչնչով չեն տարբերվում ՀՀ քաղաքացիներից։
Կարդացեք նաև
«Ես իմ վրա օրինակը կբերեմ՝ ես հանդիսանում եմ Հայաստանի Հանրապետության Ազգային անվտանգության ծառայության թոշակառու, ես ունեմ ՀՀ քաղաքացուն տրամադրվող նույնականացնող քարտ, ես ունեցել եմ դիվանագիտական անձնագիր։ Հիմա ասեք՝ ես ո՞նց կարող եմ լինել ոչ Հայաստանի քաղաքացի»,- ասաց նա։
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
