«Դավիթ Բաբայանի վերջին հայտարարությունն այն մասին է, թե ինչպես են խեղաթյուրում նրանց խոսքերը։ Բոլորս հասկանում ենք, որ դա փակ դատավարություն է, ադրբեջանական պետական լրատվամիջոցն է միայն լուսաբանում, ինչ ուզում՝ վերագրում են յուրաքանչյուրին»,-Ծիծեռնակաբերդի բարձունքում, լրագրողների հետ զրույցում ասաց «Ապրելու երկիր» կուսակցության համահիմնադիր Մանե Թանդիլյանը։
Մանե Թանդիլյանն աբսուրդ է համարում ադրբեջանական դատարանում հնչող հայտարարությունները, թե «Ռուբեն Վարդանյանի տեղադրած ականներն են պայթել․․․»։ Նա տարակուսեց․ «Ականների վրա գրվա՞ծ է՝ «Ռուբեն Վարդանյանի տեղադրած»։
Ամենայն հարգանքով արցախյան պատերազմների մասնակիցների նկատմամբ, Մանե Թանդիլյանը հիշեցնում է՝ Ռուբեն Վարդանյանը եղել է Լեռնային Ղարաբաղի նախկին պետնախարար, զբաղվել սոցիալ-տնտեսական հարցերով․ «Նա երբեք չի մասնակցել ռազմական գործողություններին, ուստի մեղադրանքները, թե նա այնտեղ ականներ է դրել՝ անհեթեթ են»։
Այժմ էլ, ըստ Մանե Թանդիլյանի, Ռուբեն Վարդանյանը պայքարում է, որպեսզի նիստերին մասնակցեն միջազգային կազմակերպությունների եւ լրատվամիջոցների ներկայացուցիչները, որպեսզի աշխարհին տեղեկացվի, որ Բաքվում հայերին դատում են ինքնորոշման իրավունքի իրացմանն ուղղված արդար պայքարի համար, Ռուբեն Վարդանյանն ահազանգում է այն մասին, որ այդ դատական ֆարսը ուղղված է Հայաստանի դեմ, որպեսզի մեղադրի նրան, որ նա իբր հակամարտության կողմ է եղել եւ իբր բռնազավթել է ադրբեջանական տարածքները։
Կարդացեք նաև
Նա համոզված է, որ հայ գերիների ազատումը պետք է լիներ Ադրբեջանի հետ բանակցությունների պայմանը, բայց Հայաստանի իշխանություններն այս վիճակի շահառուներն են, քանի որ վախենում են, որ հայրենասերները կարող են վերադառնալ երկիր։
Մանրամասները՝ տեսանյութում
Նելլի ԳՐԻԳՈՐՅԱՆ
Լուսանկարը՝ արխիվային
