Արցախ Միության նախագահ Արտակ Բեգլարյանը ապրիլի 24-ին բանախոսել է Նյու Յորքի Կոլումբիա համալսարանում տեղի ունեցած հանրային միջոցառմանը, որը կազմակերպվել էր Հայոց ցեղասպանության 110-րդ տարելիցի առթիվ:
Բեգլարյանը ներկայացրել է ցեղասպանության իրականացման արդի միտումներն ու արդարադատության միջազգային մեխանիզմներն Արցախի ժողովրդի ցեղասպանության օրինակով, իսկ Հայտնի իրավապաշտպան Ջեհան Հենրին՝ Սուդանի ժողովրդի ցեղասպանության օրինակով:
Բեգլարյանը հակիրճ ներկայացրել է հակամարտության պատմությունն ու համատեքստը՝ ընդգծելով, որ ալիևյան ռեժիմն իրականացրել է ցեղասպանությունը հետևողական ու արդիականացված մեթոդաբանությամբ՝ նպատակ ունենալով հնարավորինս անաղմուկ կերպով ոչնչացնել ու հայրենազրկել Արցախի բնիկ ժողովրդին: Նա բերել է որոշ օրինակներ՝ ցույց տալով ադրբեջանական ցեղասպանական քաղաքականության օրինաչափություններն ու դիտավորությունը՝ նշելով, որ դա Հայոց ցեղասպանության գաղափարական շարունակությունն է:
Բեգլարյանը շեշտադրել է, որ միջազգային արդարադատության ապահովումը շատ կարևոր անհրաժեշտություն է՝ թե՛ հասցեագրելու ցեղասպանության հետևանքները և թե՛ կանխելու հնարավոր նոր ոճրագործությունները տարածաշրջանում ու աշխարհի այլ անկյուններում:
Կարդացեք նաև
Միջոցառումը կազմակերպվել էր Ուսուցիչների քոլեջի խաղաղության կրթական ցանցի, Կոլումբիայի հայկական ուսումնասիրությունների կենտրոնի, Կոլումբիայի իրավագիտության դպրոցի մարդու իրավունքների ինստիտուտի և մի քանի այլ գործընկեր կառույցների կողմից:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԵՐՔԻՆ ԳՈՐԾԵՐԻ ՆԱԽԱՐԱՐՈՒԹՅՈՒՆ ՀԱՆՐԱՅԻՆ ՀԱՂՈՐԴԱԿՑՈՒԹՅԱՆ ԵՎ ԻՐԱԶԵԿՄԱՆ ՎԱՐՉՈՒԹՅՈՒՆ
