«Հռետորական հարց՝ արդյոք մենք հասե՞լ ենք իշխանությունների բաժանման այս սկզբունքին, արդյոք դատական իշխանությունն ինքնուրույն իրեն զգո՞ւմ է՝ որպես այս երեք իշխանությունների լիարժեք մաս։ Ես ունեմ իմ հարցի պատասխանը, այս հարցը տալիս եմ, որ բոլորս՝ մենք մեզ այս հարցը տանք հատկապես դատական իշխանության մեջ եղած մեր գործընկերները»,- խորհրդարանում հայտարարեց «Քաղաքացիական պայմանագիր» խմբակցության պատգամավոր Արսեն Թորոսյանը՝ անդրադառնալով իշխանությունների բաժանման և հավասարակշռման սկզբունքին։
Ըստ նրա՝ այս սկզբունքներին հասնելու համար պետք է նաև ներքին ուժ․ «Ոչ միայն օրենքներ, հանձնաժողովներ, քննարկումներ, այլև պարզապես անել այն, ինչ գրված է Սահմանադրության մեջ։ Մեր գործընկերները չպետք է նայեն մեզ հաճախ այդ հարցում, այլ իրենք իրենց հայելու մեջ նայեն ու ասեն՝ ես անկա՞խ եմ, թե՞ ոչ։ Ինձ որ բերում են կալանքի միջնորդություն մինչդատական վարույթում ու կողքից «նամյոկ» են անում, ասում են՝ տուր, որ կարողանանք այս գործը բացահայտենք, կամ ասում են տուր՝ ուժեղ ձայնով, ինքը կարողանո՞ւմ է ասել՝ եղբայր, կնայենք թղթերը, կամ կասի՞՝ ով ես դու, որ ինձ զանգել ես, կամ մարդ ես ուղարկել, դատախազ կլինես, քննիչ կլինես»։
Կարդացեք նաև
Տաթև ՀԱՐՈՒԹՅՈՒՆՅԱՆ
