Իտալիայից Միքայել Մինասյանի վերաբերյալ տեղեկություններ են փոխանցվել Հայաստանին․ Աննա Վարդապետյան

Իտալիայի իրավապահները բավարարել են ՀՀ դատախազության իրավական օգնության պահանջը՝ մասամբ, եւ տեղեկատվություն են տրամադրել Վատիկանում ՀՀ նախկին դեսպան Միքայել Մինասյանի վերաբերյալ քրեական գործի՝ որոշ դրվագների վերաբերյալ․ այս մասին այսօր խորհրդարանում հայտարարեց ՀՀ գլխավոր դատախազ Աննա Վարդապետյանը։

Տեղեկատվությունը հայկական կողմին է փոխանցվել երեկ երեկոյան։

Ըստ Աննա Վարդապետյանի, խոսքը հանցավոր խմբավորման մասին է՝ հստակ դերաբաշխումներով, այդ թվում՝ իրավական ապահովման տեսանկյունից, տարբեր տեսակի խոչընդոտներ վերացնելու տեսանկյունից, որոշակի օրենսդրական նախաձեռնություններ ներկայացնելու տեսանկյունից։

Նա նաեւ մանրամասնեց, որ վարույթն ամբողջական չի ուղարկվել դատարան՝ երկու պատճառով․ նախ, լուրջ չէ 70 դրվագանոց գործը միանգամից դատարան ուղարկելը, քանի որ դատաքննությունը չի ավարտվի։ Նաեւ՝ գործի դրվագներն են ուղարկում՝ ըստ ապացույցների ձեռքբերման հաջորդականության։

Կարդացեք նաև

Մենք բոլորս անցնում ենք բյուրեղացման և մաքրման բարդ ուղի․ Միքայել Մինասյան

• 20:20 22.06.2025

Աննա Վարդապետյանը բարձր է գնահատել Նիդերլանդների դեսպանության աջակցությամբ իրականացված վերապատրաստման դասընթացների արդյունավետությունը

• 15:14 16.06.2025

Հաշտության համաձայնություններով Հայաստանի Հանրապետությանն է փոխանցվել 7 անշարժ գույք, 2 շարժական գույք, 2025 թվականի հունիսի 3-ի դրությամբ` 815 մլն 200 hազար դրամ և 50 հազար 720 եվրո

• 19:14 14.06.2025

«Միքայել Մինասյանի՝ դատարան ուղարկված վարույթի վերաբերյալ 2024 թվականի հաշվետվության մեջ չկա, որովհետեւ վարույթը ֆիզիկապես դատարան մուտք ենք արել 2025 թվականի փետրվարին։ Վերջին դրվագը, որը մի քանի օր առաջ մամուլով տարածվեց, վերաբերում է ընդամենը մեկ դրվագի՝ մեկ հեռուստաընկերության հետ կապված։ Բայց մինչ այդ էլի դրվագներ կան, որոնք ուղարկված են դատարան, էլի տեղ կգտնեն 2025 թվականի հաղորդման մեջ»,- ասաց նա։

Մանրամասները՝ տեսանյութում

Գլխավոր դատախազ Աննա Վարդապետյանը խորհրդարանում ներկայացնում էր դատախազության 2024 թվականի հաշվետվությունը։

Նելլի ԳՐԻԳՈՐՅԱՆ