Հռոմի նոր Պապի անունը հայտարարվել է Սուրբ Պետրոսի տաճարի կենտրոնական պատշգամբից:
Հռոմի նոր Պապ է ընտրվել 69-ամյա կարդինալ Ռոբերտ Պրեվոստը ԱՄՆ-ից։ Հռոմի նոր Պապն ընդունել է Լեո 14-րդ անունը։
- Ռոբերտ Ֆրենսիս Պրևոստը, ծնված Չիկագոյում, ընտրվել է Հռոմի նոր Պապ՝ դառնալով Սուրբ Աթոռը զբաղեցրած առաջին ամերիկացին։
- Ծնվել է 1955 թվականին իտալացի, ֆրանսիացի և իսպանացի ծնողների ընտանիքում։
- Սովորել է Վիլանովայի համալսարանում, ստացել է մաթեմատիկոսի աստիճան։
- 1977 թվականին միացել է Սուրբ Ավգուստինոսի միաբանությանը, հետագայում ղեկավարել է այն ամբողջ աշխարհում։
- Ծառայել է Պերուում՝ որպես միսիոներ, սեմինարիայի դասախոս և թեմակալ եպիսկոպոս։
- Կարդինալ է նշանակվել 2023 թվականին, պապ՝ 2025 թվականի մայիսի 8-ին։
«Եկեղեցին պետք է լինի խաղաղության, հանդուրժողականության և հույսի աղբյուր բոլորի համար», — ասել է նա իր առաջին ուղերձում Սուրբ Պետրոսի հրապարակում։
