«Եթե Հայաստանում իշխանություն լիներ` վստահաբար չէր լինի այսօրվա իրականությունը, որը կա։ Այդ մարդկանց 2018 թվականին Հայաստանում իշխանության էին բերում, թույլ էին տալիս,որ իշխանությունը զավթեն, աչք էին փակում այդ ամեն ինչի վրա, որպեսզի կործանեն հայկական հաղթանակները»,- Հաղթանակի զբոսայգում լրագրողներին ասաց ԱԺ «Պատիվ ունեմ» խմբակցության պատգամավոր Աննա Մկրտչյանը։
Պատգամավորը հավելեց․ «Իրենք գալիս էին նրա համար, որ ոչ թե հայ ժողովուրդը հպարտանար Շուշիի ազատագրմամբ, այլ գալիս էին նրա համար, որ Շուշին դառնար դժգույն եւ դժբախտ։ Գալիս էին նրա համար, որպեսզի Մեծ հայրենական պատերազմում տարած հաղթանակին հայ ժողովրդի մասնակցությունը մոռացվի։ Հիմա Մոսկվայի հրապարակում հաղթանակի շքերթն է, եւ միայն Հայաստանն է, որ այնտեղ չունի քայլող, պատվով եւ արժանապատվությամբ ներկայացող զինվորներ։ Ինչո՞ւ, որովհետեւ Նիկոլy թույլ չի տվել, որ հայերը եւս մեկ անգամ հպարտություն զգան։ Էլ չեմ խոսում մեր հաղթանակների մասին, մարդն ասում է՝ թերություն եւ թյուրիմացություն է Ղարաբաղյան շարժումը, Արցախի ազատագրումը»։
Աննա Մկրտչյանի խոսքով՝ ՀՀ իշխանության համար հաղթանակի օրերը վախենալու ու ատելի օրեր են։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
