«Խաղաղությունը մանանա չէ, որ վերեւից կախված մեզ պիտի տրվի, խաղաղությունը վաստակում են։ Հիշեք Վազգեն Սարգսյանի խոսքերը, որ խաղաղությունը պետք է լինի արժանապատիվ։ Նա մի բան էլ էր ասում՝ գոնե մի անգամ մենք չհոգնենք մեր կռվից ու պատերազմից։ Ցավոք սրտի, այդպես չեղավ»,- Հաղթանակի զբոսայգում լրագրողներին ասաց Երեւանի նախկին քաղաքապետ, ՆԳ նախկին նախարար Սուրեն Աբրահամյանը։
Նա հավելեց․ «Ֆիքսենք, որ մենք կանք եւ մենք սիրում ենք խաղաղությունը։ Բայց այդ խաղաղությունը նաեւ պիտի լինի արժանապատիվ, ոչ թե պայմանների թելադրմամբ։ Մենք ուժեղ ենք, ուղղակի չենք կարողանում մեր մեջ այդ ուժը տեսնել»։
Սուրեն Աբրահամյանի խոսքով՝ այսօրվա վիճակը շտկելու հնարավորություն կա․ «Այնպես չէ, որ այս ազգի արգանդը չորացել է, նոր հերոսներ է բերելու, նոր Վազգեններ, կան հիմա այդ մարդիկ, ուղղակի նրանց դրսեւորվել է պետք։ Բացի դրանից, պետք է կարողանանք խելոք ու հավասարակշռված քաղաքականություն վարել այս աշխարհաքաղաքական բարդ իրավիճակում: Ես ձեզ հավատացնում եմ՝ մի փոքր համբերություն»։
Կարդացեք նաև
Նրա խոսքով՝ առաջին հերթին այս ազգին ու ժողովրդին հոգի է պետք՝ դուխ, մնացած ամեն ինչն իրենք կճարեն, թե ինչ զենքով կրակեն։ «Ի՞նչ է եղել, եղել է՝ սխալի հետեւանքով մենք ինչ-որ մի տեղ պարտություն ենք կրել, բայց 8-ն էլ է մեր տոնը, 9-ն էլ է մեր տոնը»։
Նրա խոսքով՝ մեզ պետք է խաղաղություն, բայց խաղաղությունը պետք է լինի արժանապատիվ, խեղճ ու կրակ վիճակ չպետք է լինի։
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
