Բռնությունը բռնություն է ծնում:
Օրերիս ականատես դարձանք, որ Երևանի քաղաքապետարանում կոռուպցիոն դրսևորումների դեմ պայքարող՝ Արթուր Չախոյանի նկատմամբ, այն էլ լրատվամիջոցների առջև՝ Նոր Նորքի վարչական շրջանի համայնքապետարանում գործադրվել է բռնություն, ընդ որում, իր հանդեպ հետագայում նախաձեռնվել է քրեական վարույթ։
Հետագայում անօրինականությունների ալիքը զուգորդվել է Երևանի «Մայր Հայաստան» խմբակցության ավագանու անդամ՝ Գևորգ Ստեփանյանին պատկանող ավտոմեքենայի առեղծվածային հրկիզմամբ ու զարմանալիորեն այդ արատավոր անօրինականությունները մինչ օրս մնում են քաղաքական առումով պատասխանատվության բացակայությամբ:
Ավելին, Երևանի քաղաքապետարանում կոալիցիոն՝ «Հանրապետության» կուսակցության հաջորդած հայտարարությունը, որի հիմնադիր անդամ է հանդիսանում նախկին արդարադատության նախարար, Երևանի «Հանրապետություն» խմբակցության անդամ՝ Արտակ Զեյնալյանը, ապա ակնհայտ է դառնում, որ բռնություն գործադրելը, ըստ էության, հանդիսանում է ժողովրդավարության պաշտպանության ակտ:
Կարդացեք նաև
Հաշվի առնելով, որ հեղափոխական իշխանությունը, արդեն իսկ, ունի իր ներդրումը հայհոյանքը որպես համացանցային բանավեճի մշակույթ, հետագայում այն անհաջող քրեականացնելու փորձ իրականացնելով, ուստի՝ ՀՀ պահեստազորի զինծառայողների նախաձեռնությունը մտավախություն է հայտնում, որ իշխանությունների կողմից բռնությունը որպես ժողովրդավարության պաշտպանություն ավանդույթ ներդնելով, նորաձևության սկզբունքով կներդնի քաղաքական պայքարի նոր ավանդույթ:
ՀՀ պահեստազորի զինծառայողների նախաձեռնությունը դատապարտում է բռնությունը որպես ժողովրդավարության պաշտպանության ակտ իշխանությունների ընկալումը ու հորդորում է քաղաքական պատասխանատվության ենթարկել բոլոր մեղավորներին, քանզի քաղաքական «անհաջող գեոպոլիտիկ պայմանավորվածությունների» ավանդույթների համաձայն, հետագայում, որպես կանոն բոլոր անցանկալի վկաներից սովորաբար բռնի են ազատվում:
Հ.Գ. Բավարարվեք դատաիրավապահ համակարգի կամակատարներով:
ՀՀ պահեստազորի զինծառայողների նախաձեռնություն
