«Ապառաժ». Մայիսի 5-ից 11-ն ընկած ժամանակահատվածում 4 համաձայնագրերի կնքման արդյունքում ձեռք բերվեց զինադադար, որով նշանավորվեց հայկական բանակի հաղթանակը:
1994թ. մայիսի 5-ին Անկախ պետությունների համագործակցության Միջխորհրդարանական վեհաժողովի, Ղրղզստանի և Ռուսաստանի միջև տեղի ունեցավ հանդիպում, որի ավարտին Ադրբեջանի Միլլի մեջլիսի, Հայաստանի Գերագույն խորհրդի և Լեռնային Ղարաբաղի ներկայացուցիչները ստորագրեցին Բիշքեքյան արձանագրությունը, որով կոչ էր արվում դադարեցնել կրակը 1994թ. մայիսի լույս 9-ի գիշերը: Մայիսի 9-ին Լեռնային Ղարաբաղում ՌԴ նախագահի լիազոր ներկայացուցիչ Վլադիմիր Կազիմիրովը նախապատրաստեց Անժամկետ հրադադարի մասին համաձայնագիրը, որը նույն օրը ստորագրեց Ադրբեջանի պաշտպանության նախարար Մամեդրաֆի Մամեդովը: 1994թ. մայիսի 10-ին Երեւանում համաձայնագիրը ստորագրեց պաշտպանության նախարար Սերժ Սարգսյանը, իսկ մայիսի 11-ին` ԼՂ բանակի հրամանատար Սամվել Բաբայանը: Հրադադարն ուժի մեջ մտավ 1994թ. մայիսի 12-ի կեսգիշերին:
Այսպիսով պատերազմն ավարտվեց հայկական կողմի հաղթանակով, համաձայնություն ձեռք բերվեց անժամկետ հրադադարի, որի արդյունքում արյունով ամրագրված հաղթանակը իրավական ուժ չստացավ եւ Ադրբեջանին առիթ տվեց 26 տարի հետո նոր ագրեսիա սկսելու Արցախի նկատմամբ։
Նյութն ամբողջությամբ՝ սկզբնաղբյուր կայքում:
