«Ա1+». «Մենք դեռ չենք մտածում 2026թ․ ընտրությունների մասին, որովհետև դա հեռու է։ Մինչ այդ Ն․Փաշինյանը կարող է մեր երկրի հետ այնպիսի ավերածություններ անել, որը միգուցե անդառնալի լինի։ Մտածում ենք արտահերթ ընտրությունների, ցանկացած տարբերակի մասին»,- «Ա1+»-ի հետ զրույցում ասաց ՀՀԿ ԳՄ անդամ, ԱԺ նախկին նախագահ Սամվել Նիկոյանը՝ անդրադառնալով 3-րդ նախագահ Սերժ Սարգսյանի այն հայտարարությանը, թե ինքն իշխանափոխության ծրագիր ունի։
Իսկ Հայկ Մամիջանյանն անցած շաբաթ հայտարարել էր, թե եթե նախկին նախագահ Ռոբերտ Քոչարյանը դառնա վարչապետի թեկնածու, իրենք կսատարեն նրան։ Ս․Նիկոյանն էլ լրացնում է, եթե ԱԺ ընտրություններից հետո ձևավորվի խորհրդարան, և առաջինը լինի Ռ․Քոչարյանի ղեկավարած ուժը, ապա իրենք, կարող է, նրան օժանդակեն։ Բայց եթե ՀՀԿ-ն ստանա ավելի շատ ձայներ, ապա Ռոբերտ Քոչարյանն ու ՀՅԴ-ն պետք է կանգնեն իրենց կողքին։ «Իսկ ով ասաց, որ առաջադրվելու է Ռ․Քոչարյանը, իսկ ով ասաց, որ գործելու է ՀՅԴ-Քոչարյան դաշինքը։ Դուք իրենց հարցրեք, թե եթե ՀՀԿ-ն ավելի ձայներ տանի, օժանդակելո՞ւ եք, որ առաջադրի վարչապետի թեկնածու։ Սկզբունքը մեկն է, մեկ վայրկյան շուտ ազատվել Ն․Փաշինյանից»,- հավելեց նա։
Նյութն ամբողջությամբ՝ սկզբնաղբյուր կայքում:
