Երեկ ՀՀ փաստաբանների պալատում տեղի է ունեցել կարգապահական հանձնաժողովի նիստ, որի ընթացքում պետք է քննարկվեր նաեւ հասարակական-քաղաքական գործիչ Էդգար Ղազարյանի դիմումը՝ փաստաբան Սմբատ Մինասյանին պատասխանատվության ենթարկելու՝ արդեն իսկ հարուցված կարգապահական վարույթի գործով հարցը: Սմբատ Մինասյանը նիստին չի ներկայացել:
Էդգար Ղազարյանը միջնորդություն է ներկայացրել իրեն լրացուցիչ ապացույցներ ներկայացնելու հնարավորություն ընձեռելու համար: Հանձնաժողովը միջնորդությունը բավարարել է: Հաջորդ նիստը նշանակել է մայիսի 29-ին, ժամը 18:30-ին:
Հիշեցնենք, որ 2024 թ. նոյեմբերի 20-ին Երեւանի առաջին ատյանի ընդհանուր իրավասության քրեական դատարանի «Աջափնյակ 1» նստավայրում պաշտպան Սմբատ Մինասյանը հենց նիստերի դահլիճում տուժող Էդգար Ղազարյանի հասցեին վիրավորանքներ եւ սեռական բնույթի հայհոյանքներ է հնչեցրել՝ այդպիսով անհարգալից վերաբերմունք դրսեւորելով նաեւ դատարանի նկատմամբ:
Դատարանում քննվում էր 2022 թվականի հոկտեմբերի 18-ին կատարվածը, երբ իրենց շենքի բակում Էդգար Ղազարյանի նկատմամբ երկու անձինք բռնություն էին գործադրել: Նրանց աջակցել է երրորդ անձը, որը նրանց բերել է դեպքի վայր եւ բռնության տեսարանը տեսանկարահանել:
Կարդացեք նաև
Աշոտ ՀԱԿՈԲՅԱՆ
