«Տիկին Գասպարյանն իր հրաժարականի վերաբերյալ հրապարակային բացատրություն է տվել, դրան ավելացնելու եւ նրա հայտարարությունը մեկնաբանելու անհրաժեշտություն չեմ տեսնում»,- խորհրդարանական ճեպազրույցների ժամանակ ասաց «Քաղաքացիական պայմանագիր» խմբակցության քարտուղար Արթուր Հովհաննիսյանը՝ պատասխանելով Էջմիածնի քաղաքապետ Դիանա Գասպարյանի հրաժարականին վերաբերվող հարցին։ Լրագրողը հարցրեց՝ հրաժարականը կապ ունի՞ ենթադրյալ կոռուպցիոն պատմությունների հետ, որոնք նրա անվան հետ են կապված․ այդ մասին բազմաթիվ հրապարակումներ կան։
Մանրամասները՝ տեսանյութում
Կարդացեք նաև
Լրագրողը պնդեց հարցը՝ շինթույլտվություններ, կադաստրային արժեքից ցածր հողի վաճառքներ, ընտանիքի անդամների հետ գնումներ․ այս ամենն ազդեցություն չի՞ ունեցել իր հրաժարականի վրա։ Արթուր Հովհաննիսյանը պատասխանեց՝ չկա թեմա, որը կապ ունի կոռուպցիայի կամ հովանավորչության հետ. «Անկախ մարդու անուն-ազգանունից, քաղաքական պատկանելիությունից, եթե որեւէ մեկը ներգրավված կլինի որեւէ կոռուպցիոն, հովանավորչության գործարքի մեջ, պատժվելու է օրենքի ողջ խստությամբ, եթե հատկապես լինի «Քաղաքացիական պայմանագիր» կուսակցության թիմից»։
Մանրամասները՝ տեսանյութում
Նելլի ԳՐԻԳՈՐՅԱՆ
Լուսանկարը Վաղարշապատի համայնքապետարանի ֆեյսբուքյան էջից: Համայնքի ղեկավար տիկին Դիանա Գասպարյանն այսօր հրաժեշտ տվեց աշխատակազմին
