«ՀՀ-ն չի քննարկում ՀՀ տարածքից ռուսական ռազմաբազան հանելու հարց»,- խորհրդարանում լրագրողների հետ զրույցում ասաց ԱԺ նախագահ Ալեն Սիմոնյանը՝ պատասխանելով հարցին՝ Ադրբեջանի առաջադրած նոր նախապայմանների մեջ մտնո՞ւմ է Հայաստանից ռուսական ռազմաբազայի դուրսբերումը։
Լրագրողները հետաքրքրվեցին Տիրանայում տեղի ունեցած Նիկոլ Փաշինյան-Իլհամ Ալիեւ հանդիպումներից, տարածվող տեսանյութերից, որտեղ ՀՀ վարչապետը բավական նվաստացուցիչ իրավիճակում է երեւում:
Կարդացեք նաև
Ալեն Սիմոնյանը պատասխանեց․ «Չեմ ուզում շատ կտրուկ արտահայտվեմ, կարծում եմ, առիթ կլինի շատ կտրուկ կպատասխանեմ դրանց»։
Իսկ բուն հանդիպումների, պայմանավորվածությունների, Ադրբեջանի առաջարկած նոր նախապայմանների մասով էլ Ալեն Սիմոնյանն ասաց, որ քննարկումները շարունակվում են, կա համաձայնություն դրանք շարունակել։ Նա չի բացառում, որ առաջիկայում քննարկումները կշարունակվեն երկրների ղեկավարների, ԱԳ նախարարների մակարդակով եւ դա լավ նորություն է ինքը համարում։ Կոնկրետ պայմանավորվածությունների մասին Ալեն Սիմոնյանը տեղյակ չէ, ենթադրում է։
Իսկ Ադրբեջանի շարունակական նախապայմանները ինքը չի համարում, որ փակուղի են տանում։ Նա կրկնեց՝ Հայաստանն ունի մի քանի առաջարկների մի քանի տարբերակներ, որոնք ադրբեջանական կողմին ներկայացվել են եւ հայկական կողմը՝ ամեն պարագայում պատրաստ է լուծումների։ Ալեն Սիմոնյանը կրկնեց՝ հայկական իրավական դաշտում գոյություն չունեն այն խնդիրները, որոնք հնչեցնում է Ադրբեջանը։
Մանրամասները՝ տեսանյութում
Նելլի ԳՐԻԳՈՐՅԱՆ
