ԱՄՆ նախագահ Դոնալդ Թրամփի Truth Social սոցցանցային գրառումը. «Նոր ավարտեցի իմ երկու ժամանոց զանգը Ռուսաստանի նախագահ Վլադիմիր Պուտինի հետ: Կարծում եմ՝ շատ լավ անցավ: Ռուսաստանը և Ուկրաինան անմիջապես կսկսեն բանակցություններ զինադադարի և, որ ավելի կարևոր է, պատերազմի ԱՎԱՐՏԻ ուղղությամբ: Դրա պայմանները կբանակցվեն երկու կողմերի միջև, ինչպես որ միայն կարող է լինել, քանի որ նրանք գիտեն բանակցության մանրամասները, որոնցից ուրիշ ոչ ոք չի իմանա: Զրույցի տոնայնությունն ու ոգին գերազանց էին: Եթե այդպես չլիներ, ես այդ մասին կտեղեկացնեի հիմա, ոչ թե՝ ավելի ուշ:
Ռուսաստանն ուզում է մեծ ծավալի ԱՌԵՎՏՈՒՐ անել Միացյալ Նահանգների հետ, երբ այս աղետալի «արյունահեղությունը» ավարտվի, և ես համաձայն եմ: Ռուսաստանի համար հսկայական հնարավորություն կա ստեղծել աշխատանքների և հարստության հսկայական քանակություն: Նրա ներուժը ԱՆՍԱՀՄԱՆ է: Նմանապես, Ուկրաինան կարող է դառնալ առևտրի մեծ շահառու՝ իր երկրի վերակառուցման գործընթացում: Ռուսաստանի և Ուկրաինայի միջև բանակցությունները կսկսվեն անմիջապես: Ես այդ մասին տեղեկացրել եմ Ուկրաինայի նախագահ Վլադիմիր Զելենսկիին, Եվրոպական հանձնաժողովի նախագահ Ուրսուլա ֆոն դեր Լայենին, Ֆրանսիայի նախագահ Էմանուել Մակրոնին, Իտալիայի վարչապետ Ջորջիա Մելոնիին, Գերմանիայի կանցլեր Ֆրիդրիխ Մերցին և Ֆինլանդիայի նախագահ Ալեքսանդեր Ստուբբին՝ Պուտինի հետ զանգից անմիջապես հետո: Վատիկանը, ինչպես ներկայացնում է Պապը, հայտարարել է, որ շատ հետաքրքրված կլինի բանակցությունները կազմակերպելով: Թող սկսվի գործընթացը»:
