Երևանի ավագանու նիստի ընթացքում «Ազգային առաջընթաց» խմբակցության անդամ Գևորգ Ստեփանյանը հայտնեց, որ իրեն են դիմել Շենգավիթ վարչական շրջանի աշխատակիցներ և Երևանի քաղաքապետ Տիգրան Ավինյանին խնդրեց ներկայացնել, թե ինչ է այնտեղ կատարվում։
Տիգրան Ավինյանը Շենգավիթ վարչական շրջանի ղեկավար Ռազմիկ Մկրտչյանին (լուսանկարում) խնդրեց պարզաբանել։ Նա ասաց․ «Այն գործերով, որ անցնում են մեր նախկին աշխատակիցները, քննարկվեցին այդ գործերը այնպես, որ նրանք այս պահին աշխատողներ են։ Այդպես չէ։ Նրանք նախկին աշխատակիցներ են, որոնք տարբեր պատճառներով՝ վատ աշխատանքի պատճառով աշխատանքից ազատվել էին։ Այս աշխատակիցները, որոնք ազատվել են, խնդիր է առաջացել վատ վերահսկողության, որոնք տարածքում վատ են վերահսկել։ Ունեցանք այն դեպքը՝ շաբաթներ առաջ, որ Շենգավիթ վարչական շրջանի մեկ աշխատակից ձերբակալվեց։ Եվ աշխատակիցները ազատման դիմում են գրել։»։
Գևորգ Ստեփանյանը նշեց՝ այդ աշխատակիցներից մեկը, որը 32 տարվա փորձառություն ունի, խնդրեց փոխանցել, որ ինքը դիմումով ներկայացրել է այս ամենը, որ իրեն երեք անգամ պետք է նախազգուշացնեին, թե ինչ սխալներ է թույլ տվել:
Ռազմիկ Մկրտչյան արձագանքեց․ «Այն աշխատակցի մասին, որ խոսում եք, գիտեք՝ երկար տարիներ աշխատել է։ Այո պրոբլեմ է նրա աշխատելը, խնդիր ունենք ազատելու։ Այն վատ աշխատանքը, պայքարը, որը մղվում է մեր դեմ, հասկանում եմ, թե ովքեր են աջակցում։ Աշխատակիցը, որը շատ վատ է աշխատում ու այն հորդորները, որ սխալվել եք, դրանց ի պատասխան նա ասում էր՝ դիմեք դատախազություն, օրենքով արեք։ Ասել եմ՝ օրենքով նկատողություն կստանաք, ու ստացել է նաև մի քանի նկատողություն։ Այն մարդը, ում ձերբակալել են, իր բացթողման արդյունքում է եղել»։
Կարդացեք նաև
Տաթև ՀԱՐՈՒԹՅՈՒՆՅԱՆ
