ԶՊՄԿ-ն վերջին շրջանում ակտիվորեն համագործակցում է գիտակրթական հաստատությունների հետ։
Ընկերության մշտական գործընկեր ՀԱՊՀ-ի Կապանի մասնաճյուղում էր այս անգամ կազմակերպվել սեմինար-հանդիպում, որն անցավ ակտիվ հարցուպատասխանով։
Հայաստանի ազգային պոլիտեխնիկական համալսարանի Կապանի մասնաճյուղը հյուրընկալել էր ԶՊՄԿ ՓԲԸ-ի գլխավոր տնօրենի առաջին տեղակալ Վարդան Ջհանյանին և Կայուն զարգացման գծով տնօրեն Արմեն Ստեփանյանին։
Կարդացեք նաև
Քննարկման առանցքում Հայաստանի հանքարդյունաբերությունն էր։ Սեմինարի ընթացքում հրավիրված բանախոսները ներկայացրեցին հանքարդյունաբերության ոլորտում կայուն զարգացման մարտահրավերներն ու հնարավորությունները, անդրադարձան միջազգային միտումներին, մետաղների պահանջարկի աճին, բնապահպանական խնդիրներին, ինչպես նաև տնտեսության և հասարակության վրա ոլորտի ազդեցությանը։
Պոլիտեխնիկցիները չեն թաքցնում` ձեռնարկությունը տարածաշրջանում դիտարկվում է որպես խոշոր ու գրավիչ գործատու:
Լուսանկարները՝ Հայաստանի Ազգային Պոլիտեխնիկական Համալսարանի Կապանի մասնաճյուղի
