Թայլանդի մայրաքաղաք Բանգկոկում ընթացող բռնցքամարտի Futures Cup մրցաշարում Հայաստանի երիտասարդական հավաքականի անդամ, 65 կգ քաշային Սուրեն Կատվալյանը մեկնարկային մենամարտում պարզապես ջախջախեց Սաուդյան Արաբիայի ներկայացուցիչ Ռայան Ալթայարին։
Առաջին ռաունդից հետո մրցավարները միաձայն գրանցեցին մեր բռնցքամարտիկի առավելությունը։ Սակայն ավագ մարզիչ Կարեն Աղամալյանի սանը երկրորդ ռաունդում մրցակցից քարը քարի վրա ոչինչ չթողեց։ Միայն չորս անգամ ռեֆերին Ալթայարին նոկդաուն գրանցեց։ Իսկ եթե դրան էլ ավելացնենք, որ արաբ բռնցքամարտիկից մեկ միավոր էլ հանվեց մշտապես գլխով վտանգավոր առաջ գնալու համար, ընդհանուր պատկերը միանգամայն պարզ է դառնում։
Հայ բռնցքամարտիկի փաստացի առավելության պատճառով և մրցակցի առողջությանը վնաս չհասցնելու համար այս մենամարտը հենց երկրորդ ռաունդում էլ դադարեցվեց։
Աշոտ ՀԱԿՈԲՅԱՆ
